Përpara 20 vjetësh, profesori i Harvard-it, Clayton Christensen, në librin e tij të famshëm The Innovator’s Dilemma, tregoi pse kompanitë e suksesshme dështojnë, sepse nuk arrijnë të ndërpresin vetveten për të përqafuar të renë. Edhe sot, drejtuesit luftojnë me këtë sfidë.
Por Michael Weening, CEO i Calix, Inc., është një nga shembujt e rrallë që jo vetëm e përqafoi këtë sfidë, por edhe e fitoi.
Lexo gjithashtu: 8 fotografitë që përshkruajnë 100 ditët e para të Trump
Nga pajisje të rrjetit në shërbime cloud, një transformim që zgjati 13 vjet
Calix, e themeluar në vitin 1999, ishte një nga kompanitë që ndërtonte pajisje për rrjetet e internetit. Në fillim, biznesi lulëzoi. Por, me zhvendosjen e teknologjisë drejt cloud-it, mënyra se si kompanitë përdornin infrastrukturën ndryshoi. Në 2012, drejtuesit e Calix e kuptuan se duhej të ndryshonin rrënjësisht, nga prodhues pajisjesh, në ofrues softuerësh dhe shërbimesh cloud për ofruesit e internetit në zonat rurale.
Michael Weening, i ardhur nga Salesforce, u thirr në ndihmë në vitin 2016 për të përshpejtuar transformimin. Por rruga nuk ishte e lehtë, në vitin 2017, humbjet vjetore të Calix u rritën në mbi 80 milionë dollarë, dhe kapitali në treg ra ndjeshëm.
Lexo gjithashtu: Kush është Aaron Parnas? Ylli i TikTok që po ndryshon mënyrën si Gen Z informohet për politikën
Durim, vizion dhe sfida të reja
Çelësi i suksesit? Mbështetja e Carl Russo, themeluesit dhe aksionerit më të madh të kompanisë. “Nëse nuk investonim në këtë ndryshim, do të ktheheshim në një kompani të zakonshme me marzhe minimale,” thotë Weening.
Në proces, Calix jo vetëm që ndryshoi modelin e biznesit, por duhej të ndërtonte një kulturë të re, të sillte talente të reja dhe të bindte klientët e saj, operatorët ruralë të internetit, të pranonin ofertën e re, jo thjesht pajisje, por platforma cloud dhe shërbime të menaxhuara.
Në vend që të shisnin fibra optike, ata tani u ofronin klientëve mundësinë të shesin shërbime si Bark, një aplikacion që monitoron sigurinë e fëmijëve në rrjete sociale. “Ata ishin mjeshtra të ndërtimit të rrjeteve, por jo të shitjes së eksperiencave,” thotë Weening. Me eksperiencën nga Salesforce, ai ndihmoi klientët të përshtateshin me këtë botë të re.
Lexo gjithashtu: “Mafia e OpenAI” – 15 startup-et më të suksesshme themeluar nga ish-punonjës!
Shpërblimi vjen me kohë
Pas një dekade përpjekjesh, Calix arriti të futet në listën e 100 kompanive me rritjen më të shpejtë të revistës Fortune në vitin 2023. Kapitali i saj sot ka arritur rreth 2.4 miliardë dollarë, një rikthim i jashtëzakonshëm pas vitesh humbjesh dhe sfidash.
Por Weening nuk ka ndërmend të ndalet. “Transformimi nuk përfundon kurrë,” thotë ai. “Nëse bëhesh arrogant, humbet gjithçka.” Sot, Calix punon ngushtë me 10 borde këshilltare klientësh për të qëndruar në rrugën e inovacionit.
Një mësim i qartë nga historia e Calix, përballja me dilemën e inovatorit nuk është për zemërlehtët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English