Nëse nuk je në TikTok, mund të mos kesh dëgjuar për Aaron Parnas. Por për miliona të rinj amerikanë, ai është kthyer në një nga burimet kryesore të lajmeve politike. Me mbi 3.5 milionë ndjekës në TikTok dhe afro një milion në Instagram, Parnas po riformëson mënyrën si brezi i ri konsumon informacion.
Lexo gjithashtu: Baroni i Ballkanit/ Forbes shkruan për Samir Mane: Nga refugjat në miliarder
Nga gjeniu i drejtësisë te “influenceri” i lajmeve
Aaron Parnas nuk është një emër i zakonshëm në botën e medias sociale. Ai nisi kolegjin në moshën 14-vjeçare, u diplomua dhe përfundoi studimet në Fakultetin Juridik të Universitetit George Washington në moshën 21 vjeç, në vitin 2020. Po atë vit, ai bëri edhe një kthesë politike, duke kaluar nga republikan te demokrat.
Djalli është në detaje. Parnas është djali i Lev Parnas, një figurë e njohur në qendër të skandaleve politike amerikane, dhe historinë e tij e ka rrëfyer në librin “Trump First”.
Përveç rrjeteve sociale, Aaron ka punuar si avokat në fushën e litigimeve financiare dhe si strateg dixhital për demokratët. Rruga e tij drejt famës filloi gjatë pandemisë kur postonte video me analiza ligjore, ndërsa fama shpërtheu në vitin 2022, kur ai nisi të mbulonte pushtimin rus të Ukrainës, duke ndarë histori të afërmve të tij ukrainas. Brenda disa javësh, ai fitoi mbi 1.2 milionë ndjekës.
TikTok, nga kërcimi te kronika e lajmeve
TikTok nuk është më thjesht platformë për kërcime dhe sfida virale. Sot, gjithnjë e më shumë të rinj informohen përmes saj. Sipas Pew Research Center, 39% e të rriturve nën 30 vjeç ndjekin rregullisht lajmet në TikTok.
Megjithatë, shumë pak nga këta ndjekës ndjekin gazetarë tradicionalë. Në vend të tyre, ata zgjedhin zëra të rinj si Aaron Parnas. “Shumë prej ndjekësve të mi thonë se nuk shohin më CNN, FOX ose MSNBC,” tregon ai.
Sipas Parnas, brezat Gen Z dhe Gen Alpha janë të zhgënjyer nga media tradicionale, duke preferuar më shumë opinionet personale dhe rrëfimet autentike që rrjetet sociale ofrojnë. Dhe TikTok e bën këtë të mundur si askund tjetër.
Lexo gjithashtu: Drejtuesit e biznesit që kanë ndryshuar botën për mirë!
Sfida/ Shpejtësia vs Saktësia
Aaron Parnas i atribuon suksesin e tij faktit që vepron vetë, pa burokraci të shumta, dhe mund të postojë deri në 20 herë në ditë nëse duhet. Por ai e pranon: “Unë nuk jam gazetar investigativ. Thjesht shpërndaj informacion nga burime të verifikuara.”
Megjithatë, TikTok nuk është pa rreziqe. Pa standarde të qarta për verifikimin e informacionit, platforma është terren pjellor për dezinformim dhe interpretime të njëanshme.
Parnas e përshkruan raportin mes gazetarisë tradicionale dhe krijuesve të TikTok si një “thikë me dy presa”, nga njëra anë ndihmojnë lajmet të arrijnë te të rinjtë, nga ana tjetër shpesh nuk japin merita gazetarisë klasike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
