Në Silicon Valley po formohet një “mafie” e re teknologjike. Startup-i pas ChatGPT, OpenAI, jo vetëm që revolucionarizoi botën e inteligjencës artificiale, por frymëzoi edhe një valë të re themeluesish që po krijojnë startup-et e tyre pas suksesit të jashtëzakonshëm të kompanisë, e cila arriti një vlerësim prej 300 miliardë dollarësh. Në vijim, ju prezantojmë disa prej startup-eve më të rëndësishme që kanë lindur nga alumni i OpenAI.
Dario Amodei, Daniela Amodei dhe John Schulman — Anthropic
Dario dhe Daniela Amodei u larguan nga OpenAI në 2021 për të krijuar Anthropic, një startup në San Francisko që fokusohet në sigurinë e inteligjencës artificiale. Në vitin 2024, bashkëthemeluesi i OpenAI, John Schulman, iu bashkua kompanisë me misionin për të ndërtuar një AGI të sigurt. Anthropic tashmë vlerësohet në 61.5 miliardë dollarë dhe konsiderohet rivali më i madh i OpenAI.
Ilya Sutskever — Safe Superintelligence
Ilya Sutskever, bashkëthemelues dhe ish-shef shkencor i OpenAI, themeloi Safe Superintelligence (SSI) në maj 2024. Edhe pse kompania nuk ka ende produkt apo të ardhura, ka arritur të tërheqë 2 miliardë dollarë investime dhe vlerësohet në 32 miliardë dollarë.
Mira Murati — Thinking Machines Lab
Mira Murati, ish-CTO e OpenAI, krijoi Thinking Machines Lab në 2025 me misionin për të ndërtuar inteligjencë artificiale më të personalizueshme dhe të avancuar. Kompania është në proces mbledhjeje fondesh prej 2 miliardë dollarësh dhe ka një vlerësim minimal prej 10 miliardë dollarësh.
Aravind Srinivas — Perplexity
Aravind Srinivas bashkëthemeloi motorin e kërkimit Perplexity në San Francisko, i cili po konkuron fuqishëm me gjigandë të tjerë. Kompania vlerësohet në 18 miliardë dollarë, megjithëse është përballur me kritika për mënyrën e mbledhjes së të dhënave nga interneti.
Kyle Kosic — xAI
Kyle Kosic kontribuoi si bashkëthemelues i xAI, startup-i i Elon Musk, dhe ndihmoi në blerjen e platformës X (ish-Twitter). Megjithatë, në vitin 2024, ai u rikthye në OpenAI.
Emmett Shear — Stem AI
Emmett Shear, ish-CEO i Twitch dhe për pak ditë CEO ndërmjetësues i OpenAI, po zhvillon startup-in Stem AI, i cili është ende në fazë të fshehtë, por ka marrë mbështetje nga Andreessen Horowitz.
Andrej Karpathy — Eureka Labs
Eksperti i njohur i vizionit kompjuterik, Andrej Karpathy, themeloi Eureka Labs në San Francisko, një startup që zhvillon asistentë virtualë edukativë të bazuar në AI.
Jeff Arnold — Pilot
Jeff Arnold, ish-drejtues operacioni te OpenAI, bashkëthemeloi startup-in Pilot, i cili ofron shërbime financiare për startup-e dhe tërhoqi investime nga Jeff Bezos.
Lexo edhe:Revolucioni i hidhur i Starbucks, pse duhet të fshihet gjysma e menusë?
David Luan — Adept AI Labs
David Luan u largua nga OpenAI për të themeluar Adept AI Labs, një kompani që zhvillon mjete AI për punonjësit. Pjesë e kompanisë u rekrutua nga Amazon në fund të vitit 2024.
Tim Shi — Cresta
Tim Shi, anëtar i hershëm i OpenAI, themeloi Cresta, një startup që përdor AI për qendrat e kontaktit, dhe që ka mbledhur mbi 270 milionë dollarë investime.
Pieter Abbeel, Peter Chen dhe Rocky Duan — Covariant
Ky trio themeloi Covariant, startup që ndërton modele AI për robotikën. Amazon rekrutoi themeluesit dhe një pjesë të stafit në vitin 2024.
Maddie Hall — Living Carbon
Maddie Hall bashkëthemeloi Living Carbon, një kompani që inxhinieron bimë për të përthithur më shumë karbon, duke ndihmuar në luftën ndaj ndryshimeve klimatike.
Shariq Hashme — Prosper Robotics
Shariq Hashme bashkëthemeloi Prosper Robotics, një startup londinez që po zhvillon një robot shërbëtor për përdorim shtëpiak.
Jonas Schneider — Daedalus
Jonas Schneider, ish-drejtues i inxhinierisë robotike në OpenAI, bashkëthemeloi Daedalus, e cila ndihmon në ndërtimin e fabrikave inteligjente për prodhime të sakta.
Margaret Jennings — Kindo
Margaret Jennings bashkëthemeloi Kindo, një platformë chatbot për biznese. Aktualisht ajo udhëheq produktin dhe kërkimin në startup-in francez të AI, Mistral.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
