Dikur simbol i kafeve premium, sot Starbucks po përballet me rënien më të madhe që prej themelimit të saj. Çfarë po ndodh me gjigantin e kafesë?
Starbucks, emri që solli “kafen e mirë” për masat, po sheh ditë të vështira. Pas dy tremujorëve me rënie të shitjeve, kompania po nis një revolucion të brendshëm për të rikthyer shkëlqimin e dikurshëm.
Lexo gjithashtu: Një makinë elektrike për $20,000? Startup-i i mbështetur nga Jeff Bezos thyen rregullat
CEO i ri, Brian Niccol, një figurë e njohur si “shpëtimtari” i markave si Chipotle dhe Taco Bell, ka ndërmarrë një plan drastik, heqjen e 30% të menusë ekzistuese. Me një menu më të thjeshtë, Starbucks synon të shkurtojë kohët e pritjes dhe t’u japë baristëve kohë të krijojnë përvojën klasike që dikur e bëri këtë markë unike.
Por lëvizjet nuk ndalen këtu, rikthehen filxhanët prej porcelani, mesazhet me dorë mbi gotat e take away dhe stacionet ku mund të shtosh vetë qumështin e sheqerin, një përpjekje për të rikthyer atmosferën e famshme të “shtëpisë së tretë”, midis punës dhe shtëpisë.
Çmimet e larta, koha e gjatë e pritjes dhe një cilësi që lë për të dëshiruar janë ndër ankesat kryesore të klientëve, që tashmë nuk mjaftohen me një kafe me emrin e tyre të gabuar mbi gotë. Për më tepër, Starbucks nuk është më “e vetmja zgjidhje”. Në çdo cep qyteti janë hapur kafene të vogla me Wi-Fi falas dhe pije të rafinuara, duke ia marrë avantazhin gjigantit amerikan.
Kriza nuk kufizohet vetëm në Amerikë. Ekspansioni ambicioz në Kinë ka ngecur, teksa konkurrentët vendas, si Luckin Coffee, i kanë dalë përpara me një ritëm tronditës të hapjes së dyqaneve.
Lexo gjithashtu: “Life is Good”, si dy vëllezër dhe 78 dollarë krijuan një markë botërore që përçon pozitivitet
Në përpjekje për të shpëtuar operacionet, Starbucks njoftoi në shkurt 2025 shkurtime të mëdha, 1,100 vende pune të humbura, një lëvizje dramatike që tregon seriozitetin e krizës.
Harrojini menutë me dhjetëra kombinime të koktejeve të kafesë, kompania do të fokusohet vetëm te më të mirat dhe më të kërkuarat.
“Ne kemi humbur thelbin tonë,” pranoi vetë CEO Niccol. Dhe pyetja e madhe tani është, a do të jetë ky kthimi triumfal i Starbucks, apo fundi i një epoke?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
