Google ka zbuluar një përditësim të rëndësishëm që sinjalizon “fillimin e fundit” të përdorimit të fjalëkalimeve për të aksesuar llogaritë në Gmail.
Gjiganti i motorëve të kërkimit ka filluar që të përdorë teknologjinë e “çelësave” që do të lejojë miliarda përdorues që të logohen në uebsajte dhe aplikacione në të njëjtën mënyrë siç shkyçin një pajisje, me shenja të gishtave, skanimin e fytyrës apo me anë të një PIN-i që mund të verifikojë identitetin e tyre.
Pritet që kjo mënyrë e re logimi të zëvendësojë me kalimin e kohës fjalëkalimet, edhe pse mund të duhet edhe ca kohë përpara se kjo të ndodhë, pasi teknologjia që po përdoret është ende në hapa të hershme.
Ekspertët thonë se kjo teknologji e re do t’u krijojë njerëzve mundësinë që t’i përdorin sa më pak fjalëkalimet nëpër pajisje të ndryshme.
Lexo:Inteligjenca Artificiale, më e rrezikshme se sa ngrohja globale?
Kjo do të parandalojë po ashtu nevojën për t’u loguar nëpër llogari në çdo pajisje të re duke përdorur fjalëkalime që janë lehtësisht të zbërthyeshme.
Kjo teknologji është përdorur në iOS16 për pajisjet Apple dhe versionet më të fundit të MacOS, kurse Microsoft e përdor si metodë nëpërmjet një aplikacioni autentifikimi. androidpolice
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
