Një nga kopjet e librit të shenjtë të Kuranit me përmasat e një pulle postare, ndodhet në Shqipëri. Në pronësi të familjes Prushi në Tiranë, libri i shenjtë i besimtarëve myslimanë është trashëguar brez pas brezi.
Mediat e huaja kanë shkruar për të, duke i kushtuar edhe një reportazh të tërë. Rituali është gjithmonë i njëjtë. 45 vjeçari Mario Prushi lan me kujdes duart dhe fytyrën para se të puthë dhe të vendosë në ballin e tij një nga Kuranët më të vegjël në botë.
“E kemi trashëguar brez pas brezi me shumë fanatizëm. Dhe për ne, për mua dhe për familjen time, është një nga gjërat më të shtrenjta”- shprehet 45 vjeçari për agjensinë e lajmeve AFP.
lexo: Ngatërrim i bujshëm. Çfarë ndodhi me ministrinë e turizmit në Itali?
Vetëm 2 centimetër i gjerë dhe 1 centimetër i hollë me 900 faqe në total, libri thuajse ‘zhduket’ në pëllëmbën e pronarit të tij dhe mund të lexohet vetëm me një xham zmadhues.
Është e vështirë të përcaktohet kur daton ky Kuran. Por studiuesit janë të mendimit se një libër i përmasave të tilla ka nisur të qarkullojë që prej shekullit të 19-të.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
