9 pyetje psikologjike që do t'ju ndihmojnë të lexoni njerëzit » Business Magazine Albania – Media Dixhitale dedikuar Sipërmarrjes
Përditësuar së fundmi: 27/06/2019

9 pyetje psikologjike që do t’ju ndihmojnë të lexoni njerëzit

Share
nga Anerola Torollari
Qer 27, 2019
Studied at Faculty of Science, Content Editor Biznesi at Business Magazine
lexo me teper >

Sot, diskutimet e thella janë bërë një mënyrë krejtësisht e re e komunikimit që i ndihmon njerëzit të njohin njëri-tjetrin më mirë.

BusinessMag ju sjell 9 pyetje interesante që mund ta bëjnë partnerin tuaj në bisedë të përfshihet në një diskutim rreth gjërave që ndoshta nuk i kanë menduar kurrë më parë. Këto pyetje kërkojnë përgjigje të hollësishme, kështu që përgjigjet “po” dhe “jo” nuk do të funksionojnë. Dhe ende, nuk ka përgjigje të sakta. Por, siç e dimë të gjithë, ndonjëherë një pyetje e mirë është tashmë një përgjigje.

Lexoni: 10 pyetje që çdo i huaj bën kur viziton Shqipërinë për herë të parë

  • A do të hapnit një zarf që ka datën e vdekjes suaj brenda? Me përgjigjen ndaj kësaj pyetjeje, ju mund të kuptoni nivelin e fatalizmit të një personi dhe qëndrimin e tyre ndaj jetës në përgjithësi.
  • A do të ishit miq me veten? Këtu mund të kuptoni vetëbesimin e një personi, pikat e forta dhe dobësitë e tyre dhe sa interesante janë ato.
  • Nëse ju mund të shihni një shkallë matëse mbi kokën e njerëzve, çfarë do të dëshironit që kjo shkallë të maste? Statusin e tyre në shoqëri, nivelin e lumturisë, pasurinë e tyre etj. Me përgjigjen ndaj kësaj pyetje, ju do të jeni në gjendje të kuptoni vlerat dhe prioritetet e një personi.
  • Çfarë bëni ndryshe nga njerëzit e tjerë? Këtu mund të kuptoni vetëvlerësimin e një personi, ndjenjën e tyre të humorit, nivelin e çmendurisë tek ta dhe sa i veçantë është personaliteti i tyre.
  • Nëse partneri juaj kurrë nuk zbulon se ju e keni mashtruar atë, a do t’i tregonit vetë për këtë? Përgjigjia tregon standardet morale të një personi dhe qëndrimin e tyre ndaj njerëzve të tjerë.
  • A e keni pasur ndonjëherë ndjenjën se dita e sotme është përsëritur 100 herë? Me përgjigjen ndaj kësaj pyetjeje, ju mund të kuptoni se si një person jeton jetën e tij dhe nëse jeta e tij është kuptimplotë për të apo jo.
  • Nëse gratë dhe burrat do të jetonin në 2 planete të ndryshme, çfarë do të ndodhte në të dy planetët? Këtu mund të kuptoni nëse ky person është i prirur për të menduar stereotipik ose sa logjik është.
  • Nëse kryeni një krim për të ushqyer fëmijën tuaj të uritur, a jeni një person i keq apo keni kryer veprën penale nga nevoja? Përsëri, kjo do të tregojë standardet morale të një personi dhe qëndrimin e tij ndaj familjes.
  • Nëse lumturia do të ishte para, cila do të ishte puna jote? Këtu ju mund të kuptoni shpresat dhe ëndrrat e një personi dhe atë që ata ndjejnë se ju mungon në jetën e tyre.

Ka kaq shumë pyetje dhe dilema të tjera. Mund t’i përdorni ato edhe si zbavitje në një festë ose si mënyrë për të njohur më mirë një person.

Lexoni: Jeff Bezos: “Përpara se të merrni vendime, bëjini vetes këtë pyetje.”

Cilat pyetje do t’i bënit një personi për të cilin jeni të interesuar?

burimi: BrightSide