9 gjërat që duhet të dini në lidhje me njoftimin e fundit nga Facebook - Business Magazine Albania

9 gjërat që duhet të dini në lidhje me njoftimin e fundit nga Facebook


Facebook njoftoi një plan të madh ditën e martë: Vitin tjetër, do të lançohet një kriptomonedhë e quajtur Libra. Ideja është lënë të kuptohet vetë dhe thuhet se e ka origjinën në një brainstorm idesh nga Republika Domenikane.

Më poshtë po ju sjellim përmbledhjen me dy fjali:

“Libra është një kriptomonedhë globale e mbështetur në rezerva dixhitale, e ndërtuar mbi bazën e teknologjisë blockchain. Njerëzit do të jenë në gjendje të dërgojnë, marrin, shpenzojnë dhe sigurojnë paratë e tyre, duke u mundësuar një sistem financimi global më gjithëpërfshirës.”

Lexoni: Mark Zuckerberg: “Me Libra do të krijojmë një infrastrukturë financiare globale që fuqizon miliarda njerëz”

Ka të paktën 9 arsye pse Libra përfshihet në kategorinë e “ide kaq e çmendur, thjesht mund të funksionojë”.

  1. Ajo thjesht mund të funksionojë – për shkak të Facebook. Facebook ka 2.3 miliardë përdorues në mbarë botën, të cilët do të përballen me nxitjen për t’u angazhuar me Libra. Shkalla e lartë potenciale e përdoruesve do të thotë që Libra menjëherë mund të bëhet monedha më e pëlqyer perëndimore dixhitale për t’u pranuar gjerësisht.
  2. Ajo thjesht mund të funksionojë – pavarësisht nga Facebook. Besimi i publikut në Facebook është rritur gjatë 18 muajve të fundit. Kjo është ndoshta arsyeja pse kompania njoftoi se Libra do të mbikëqyret në mënyrë të tërthortë – nga një degë e quajtur Calibra, në vend të Facebook vetë – dhe se Facebook do të kontrollojë vetëm bordin që e mbikëqyr atë.
  3. Është e mbështetur nga asete reale. Libra njoftohet se do të mbështetet nga asetet reale: një “shportë monedhash” që nuk ka të bëjë me paqëndrueshmërinë e zakonshme të kriptovalutave të tjera. Muajin e kaluar, Wall Street Journal vuri në dukje se Facebook po punonte për një “monedhë të stabilizuar”, mbështetur nga “monedhat qeveritare” dhe kjo duket se është një pikë kyçe.
  4. Ka mbështetës të mëdhenj. Facebook prezantoi partnerë financiarë si Mastercard, Visa, Paypal, Spotify, Andreessen Horowitz dhe Uber. Duket e habitshme që Facebook është duke e vendosur Libra-ën si ofruesin e vet, në vend të një projekti të përbashkët me një grup të korporatave të tjera.
  5. Është e projektuar për të ndihmuar ata që nuk kanë një llogari bankare. Një nga objektivat e para të Libra do të përfshijë me siguri miliona njerëz që jetojnë në vende me sisteme bankare më pak të qëndrueshme. Shkurt, nëse qeveria juaj kombëtare nuk mund të sigurojë një monedhë të qëndrueshme, Facebook e bën këtë.
  6. Është gjithashtu një e mirë e madhe për emigrantët. Ka miliona emigrante anembanë botës që dërgojnë para për familjet e tyre çdo muaj. Kostot e transaksioneve në këto transferta shkojnë deri në 25 miliardë dollarë në vit, sipas Facebook.
  7. Përdoruesit mund të paguhen. Ka pasur spekulime se konsumatorët mund të fitojnë kriptomonedhat e Facebook duke u angazhuar me reklamat e Facebook.
  8. Tregtarët do të paguhen. Facebook po konsideron gjithashtu që përdoruesit të “klikojnë reklamat për të blerë një produkt dhe të paguajnë me tokens e Facebook, të cilat shitësi mund t’i riciklojë për të paguar më shumë reklama”, siç raportoi Wall Street Journal kohët e fundit.
  9. Ka një shans të mirë që biznesi juaj ta pranojë atë. Nëse kjo fillon të përhapet në masë, bizneset e të gjitha madhësive do të fillojnë ta pranojnë atë si pagesë. Ashtu si shitësit në thelb janë të detyruar të pranojnë kartat e kreditit tani, ju nuk mund të keni zgjedhje tjetër veçse për të pranuar Libra.

Ka, sigurisht, çështje të rëndësishme për privatësinë. Nuk është thjesht një çështje e besimit tek Facebook për të mbajtur informacionet tuaja private dhe të sigurta. Është një çështje për të besuar një kompanie gjigante, publike, e cila i përgjigjet së pari aksionerëve kur bëhet fjalë për valutën.

Lexoni: “Project Libra”, plani sekret i Facebook

Megjithatë, nëse Libra funksionon, Facebook mund të kapërcejë botën e korporatave dhe të marrë përsipër funksione që vetëm qeveritë mund të shpresonin t’i merrnin më parë. Kundër të gjitha mosmarrëveshjeve, kriptovaluta mund të jetë një ditë e vetmja gjë për të cilën Facebook do të kujtohet më së miri.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0