Gjiganti i rrjeteve sociale ka në plan të prezantojë një monedhë dixhitale që më shumë se 1.5 miliardë përdorues të tij të mund ta transferojnë me njëri-tjetrin dhe ta shpenzojnë në Facebook dhe faqe të tjera, njoftoi The Journal.
Lexoni: Facebook e JP Morgan po punojnë për kriptovalutën e tyre të qëndrueshme
Facebook ka folur me “dhjetëra firma financiare dhe tregtare online” pasi kërkon të marrë rreth 1 miliard dollarë investime dhe të kërkojë partnerë për të ndihmuar në lançimin e sistemit, sipas the Journal, i cili përmendi njerëz të njohur me këtë çështje.
Facebook nuk pranoi të komentojë mbi këtë gjë. “Ashtu si shumë kompani të tjera, Facebook është duke eksploruar mënyra për të nxitur fuqinë e teknologjisë blockchain,” tha një zëdhënës i Facebook në një email për Business Insider.
Rrjeti social ka përfshirë kartat Visa, Mastercard dhe proçesorin e pagesës First Data, sipas The Journal. Gjithashtu, ka kontaktuar kompanitë e tregtisë online dhe aplikacionet për pranimin e monedhës së saj dhe investimin në projekt, duke i joshur ata me mundësinë e tarifave zero të përpunimit të kartave.
Facebook planifikon të mbështesë monedhat e veta me rezervat e dollarit për të stabilizuar vlerën e saj dhe ta bëjë atë më të qëndrueshëm sesa bitcoin dhe kriptovalutat e tjera. Kjo mund të jetë gjithashtu një përgjigje ndaj shqetësimeve në rritje për privatësinë dhe sigurinë e përdoruesve të saj, pasi pretendimet për kriptovalutat ofrojnë anonimitet dhe siguri. Megjithatë, ka rreziqe, pasi depozitat kriptovalutë janë keqpërdorur ose vjedhur në disa raste.
Lexoni: 5 njoftimet më të mëdha të Zuckerberg gjatë konferencës F8 të zhvilluar nga Facebook
Kompania gjithashtu është duke punuar në një arkivë virtuale që konsumatorët mund të përdorin për të bërë blerje në faqet e tjera të internetit, ngjashëm me mënyrën se si njerëzit mund t’i përdorin kredencialet e tyre në Facebook për t’u futur në faqe të tjera, sipas The Journal. Gjithashtu po konsideron që reklamat të paguhen me kriptomonedha, si dhe të bëhen blerje në platformën e saj.
Bloomberg dhe New York Times më parë raportuan se Facebook po zhvillonte një monedhë dixhitale për të lejuar përdoruesit e WhatsApp për të transferuar para.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
