8 sekretet e Komunikuesve Shumë të Mirë » Business Magazine Albania – Media Dixhitale dedikuar Sipërmarrjes
Përditësuar së fundmi: 28/05/2016

8 sekretet e Komunikuesve Shumë të Mirë

Share
nga Xhulia Vasili
Maj 28, 2016
Studied at Faculty of Economy, UT Content Editor Biznesi at Business Mgazine
lexo me teper >

Kur vjen fjala për komunikim, të gjithë tentojmë të mendojmë se jemi shumë të zotë me të. E vërteta është se, edhe ata prej nesh të cilët janë komunikuesë të mirë nuk i afrohen asaj që ne realisht mendojmë se jemi. Ky mbivlerësim i aftësive tona për të komunikuar zmadhohet kur ndërveprojmë me njerëz të cilët i njohim mirë.

Kërkuesit në Booth School of Business të Universitetit të Çikagos e vendosën këtë teori në testim dhe ajo që zbuluan ishte befasuese. Në studim, kërkuesit bënë grupe me nga dy njerëz ku subjekti e njihte palën tjetër shumë mirë, dhe më pas të njëjtin subjekt studimi e vendosën nё njё grup me njё njeri që nuk e kishte takuar kurrë. Studimi zbuloi se njerëzit që e njihnin njëri-tjetrin shumë mirë nuk e kuptonin atё më mirë se njerëzit që nuk i kishin takuar kurrë! Më keq ende, pjesëmarrësit shpeshherë e mbivlerësonin aftësinë e tyre për të komunikuar, dhe kjo ishte më e theksuar me njerëzit që njihnin mirë.

Kur komunikojmë me njerëz që njohim mirë, ne bëjmë supozime rreth asaj që ata kuptojnë, supozime që ne nuk guxojmë t’i bëjmë me njerëz të huaj. Kjo tendencë për të mbivlerësuar se sa mirë komunikojmë ne (dhe sa mirë jemi të kuptuar nga të tjerët) është kaq mbizotëruese saqë psikologët i kanë vendosur një emër: paragjykimi për komunikimin me njerëzit e afërt.
“Të kuptuarit, ‘Ajo që di unë është e ndryshme nga ajo që di ti’ është esenciale për komunikimin efektiv,” ka thënë drejtuesi i këtij studimi Kenneth Savitsky, “por ky këndvështrim mund të jetë i pakuptueshëm. Disa (njerëz) mund të jenë në të njëjtin mendim, por mbase jo aq shumë sa mendojnë. Ti nxitohesh dhe shqetësohesh, dhe resht së paturi parasysh këndvështrimin e personit tjetër.”

Të veprosh

Komunikimi është puna e vërtetë e lidershipit; ju thjesht nuk mund të bëheni lider i madh derisa të jeni një komunikues shumë i mirë. Komunikuesit e mëdhenj inspirojnë njerëz. Ata krijojnë një lidhje që është e vërtetë, emocionale dhe personale. Dhe komunikuesit e mëdhenj e përdorin këtë lidhje nëpërmjet të kuptuarit e njerëzve dhe aftësisë për t’u folur në mënyrë të drejtëpërdrejtë nevojave të tyre në një mënyrë që ata janë gati ta dëgjojnë.

8 strategjitë që vijojnë do t’ju ndihmojnë të kapërceni paragjykimet e komunikimit që tentojnë ta na mbështesin me këdo që takojmë, e veçanërisht me ata që njohim mirë. Aplikoni këto strategji dhe shikoni se si zotësitë tuaja të komunikimit do të arrijnë maja të reja.

1. Flisni me grupet sikur të jenë individë

Si një lider, shpeshherë duhet t’u flisni grupeve të njerëzve. Qoftë një mbledhje e një skuadre të vogël ose një mbledhje e një niveli më të lartë në kompani, ju duhet të zhvilloni një nivel afёrsie në përqasjen tuaj që do ta bëjë çdo inidivid që është prezent të ndihet sikur ju po i flisni drejtëpërdrejtë atij/ asaj. Hilja qëndron në eleminimin e shpërqëndrimit të turmës, kështuqë mund të transmetoni mesazhin ashtu sikurse do të bënit sikur të ishte vetëm një person i vetëm. Ju doni të jeni emocionalisht naivë dhe të përcillni të njëjtat ndjesi, energji dhe vëmendje që do të jepnit për një person të vetëm (ndryshe nga ankthi që vjen nga të qënit para njerëzve). Aftësia për t’ia dalë kësaj detyre në krye është shenjë e komunikimit të lidershipit.

2. Flisni në mënyrë që njerëzit t’ju dëgjojnë

Komunikuesit e mirë “e lexojnë” audiencën (grupet dhe individët) me kujdes për t’u siguruar se nuk po harxhojnë kot frymën mbi një mesazh që njerëzit nuk po përpiqen ta dëgjojnë. Të flisni që t’ju dëgjojnë të tjerët do të thotë se ju e përshtasni në moment mesazhin tuaj me audiencën (atë që ata janë të gatshëm të dëgjojnë dhe si janë të gatshëm ta dëgjojnë). Të rrini dhe të prisni se ju e thatë atë çfarë kishit për të thënë nuk ka të njëjtin efekt mbi njerёzit, sikurse angazhimi i tyre në një dialog të qenësishëm në të cilin ekziston një shkëmbim i ideve. Rezistojini nxitjes për ta çuar fjalën tuaj aty ku dëshironi ju me të gjitha kushtet. Kur ju flsni dhe njerëzit bëjnë pyetje, ju e dini që jeni në rrugën e duhur.

3. Dëgjoni, kështu njerëzit do të flasin

Një nga tentativat më shkatërruese për një lider është të trajtojë komunikimin si një rrugë me një drejtim. Kur ju komunikoni, duhet t’u jepni njerëzve mundësi mjaftueshëm për të thënë atë që kanë në mendje. Nëse kuptoni se jeni i fundit që flisni në një bisëdë, atëherë ka gjasa që kjo të jetë diçka mbi të cilën duhet të punoni pёr ta ndryshuar.

/Artikulli u publikua më parë në faqen 55 të numrit 10 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.

Të dëgjoni nuk ka lidhje vetëm me dëgjimin e fjalëve; ka të bëjë me dëgjimin e tonit, shpejtësisë dhe volumit të zërit. Çfarë po thuhet? Ka ndonjë gjë që nuk po thuhet? Çfarë mesazhesh të fshehura ekzistojnë? Kur dikush po ju flet, ndaloni gjithçka dhe dëgjoni tërësisht derisa personi tjetër të ketë përfunduar së foluri. Kur jeni në një telefonatë, mos shkruani një email. Kur takoheni me dikë, mbyllni derën dhe uluni afër personit, kështuqë ju mund të fokusoheni dhe të dëgjoni. Sjelljet e thjeshta si kjo do t’ju ndihmojnë të qëndroni në momentin aktual, të merrni sugjerimet e të tjerëve dhe të siguroheni që ju do të dëgjoni atë se çfarë ka ai/ajo për të thënë.

4. Lidhuni emocionalisht

Maya Angelou e ka thënë më sё miri: “Njerëzit do ta harrojnë çfarë keni thënë dhe bërë, por nuk kanë për ta harruar kurrë se si i keni bërë ata të ndihen.” Si një lider, komunikimi juaj është i pafuqishëm nëse njerëzit nuk lidhen me të në një nivel emocional. Për t’u lidhur emocionalisht me njerëzit, ju duhet të jeni transparentë. Jini njerëzorë. Tregojuni atyre se çfarë ju motivon, për çfarë e vrisni mendjen, çfarë ju bën që të ngriheni nga shtrati në mëngjes. Shprehini këto ndjenja hapur, dhe do të arrini një lidhje emocionale me njerëzit që po përpiqeni të komunikoni.

5. Lexoni gjuhën e trupit

Autoriteti juaj e bën të vështirë për njerëzit që të thonë se çfarë ka në trurin e tyre. Nuk ka rëndësi se sa e mirë është marrëdhënia me vartësin/en, ju gënjen mendja nëse mendoni se ata janë të hapur me ju në të njëjtën mënyrë siç janë me kolegun/en. Prandaj, duhet të bëheni ekspertë për të kuptuar mesazhe të pathëna. Sasia më e madhe e informacionit shtrihet në gjuhën e trupit të njerëzve. Trupi komunikon pa pushim dhe është një burim i bollshëm informacioni, kështuqë vëreni qëllimisht gjuhën e trupit gjatë takimeve dhe bisedave rastësore. Në momentin që e kuptoni gjuhën e trupit, mesazhet do të jenë të qarta. Kushtojini më shumë vëmendje asaj që nuk thuhet, sesa asaj që thuhet, dhe do të zbuloni fakte dhe opinione që njerëzit nuk janë të gatshëm për t’i shprehur në mënyrë të drejtëpërdrejtë.

6. Përgatisni qëllimin tuaj

Për të thënë atë që doni dhe për të realizuar impaktin e synuar të bisedës ka nevojë për pak përgatitje. Mos përgatitni një fjalim; zhvilloni një kuptim të asaj se cili do të jetë fokusi i bisedës (në mënyrë që njerëzit të dëgjojnë mesazhin) dhe si do ta arrini atë. Komunikimi juaj do të jetë më bindës kur e përgatisni më parë qëllimin tuaj.

7. Kini kujdes nga zhargoni

Bota e biznesit është e mbushur me zhargonë dhe metafora që janë të padëmshme nëse njerëzit e gjejnë veten te to. Problemi është se, pjesa më e madhe e liderave e mbipërdorin zhargonin dhe i “armiqësojnë” vartësit dhe konsumatorët e tyre me “gjuhën e tyre të biznesit.” Përdoreni me kursim nëse doni të lidheni me njerëzit. Përndryshe, do të etiketoheni si i pasinqertë.

8. Praktikoni të dëgjuarin aktiv

Dëgjimi aktiv është një teknikë e thjeshtë që siguron se njerëzit ndihen të dëgjuar, një përbërës esencial i komunikimit të mirë. Për të praktikuar të dgjuarin aktiv:

• Shpenzoni më shumë kohë duke dëgjuar se sa duke folur;

• Mos iu përgjigjni pyetjeve me pyetje;

• Shmangni të përfundoni fjalitë e të tjerëve;

• Fokusohuni më shumë te personi juaj se sa te vetja;

• Fokusohuni në atë se çfarë po thonë njerëzit tani, jo se cilat janë interesat e tyre;

• Përmblidhni atë se çfarë ka thënë peroni tjetër për t’u siguruar se e keni kuptuar ashtu siç duhet atë person (Pra ti po më thua se ky buxhet ka nevojë që të konsiderohet më tutje, apo jo?);

• Mendoni se çfarë do të thoni pasi dikush ka përfunduar së foluri, jo gjatë kohës kur ai/ajo është duke folur;

• Bëni shumë pyetje;

• Mos ndërprisni kurrë;

• Mos merrni shënime.

Ndërsa punoni për këto strategji, mundohuni të shmangni “të kapërdini më shumë se çfarë mund të përtypni.” Të punoni në një nga këto tre strategji çdo herë është e mjaftueshme. Nëse mundoheni të bëni më shumë se çfarë mund të përballoni, nuk do të bëni shumë progres. Në momentin që bëheni efektivё në një strategji të veçantë, ju mund të ndërmerrni edhe një tjetër. Komunikimi është një element dinamik i lidershipit që gërshetohet me pjesën më të madhe të atyre që bëni çdo ditë. Ju do të keni mundësi mjaftueshëm për të përmirësuar aftësitë tuaja në këtë zotёsi kritike.

 

/Artikulli u publikua më parë në faqen 55 të numrit 10 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 10 të saj.