6 gjërat që punët më të mira kanë të përbashkëta - Business Magazine Albania

6 gjërat që punët më të mira kanë të përbashkëta


Çfarë e bën një punë të kënaqshme? A është paga? Titulli? Gjallëria? Një zyrë e këndshme? Ndonëse këto mund të jenë gjërat që shikojmë fillimisht, studime të panumërta kanë zbuluar se këto nuk na mbajnë të motivuar për një kohë të gjatë. Në vend të kësaj, njerëzit me punët më të kënaqshme kanë një grup krejtësisht të ndryshëm cilësish që kërkojnë.

Jo të gjithë e duan punën e tyre. Në fakt, një studim i vitit 2017 zbuloi se vetëm 50% e njerëzve janë të kënaqur me mënyrën se si i shpenzojnë ditët e tyre.

Lexoni: Biznesi të bën më të mirë. Emilian Koka, djali që biznesin e ka punë dhe pasion

Sipas studimeve të shumta mbi lumturinë dhe kënaqësinë në vendin e punës, BusinessMag në këtë artikull ju sjell këto gjashtë cilësi:

1. Angazhimi

Kur autori Benjamin Todd shqyrtoi studimet mbi kënaqësinë e punës, një nga cilësitë kryesore që u shfaqën pa pushim ishte angazhimi. Megjithatë, “angazhimi” është një nga ato fjalë që është vështirë të përcaktohet në një kuptim konkret. Ja se si Todd e shpjegon atë: Angazhimi i punës është ai që ju tërheq, mban vëmendjen tuaj dhe ju jep një ndjenjë fleksibiliteti. Kjo është arsyeja që një orë e shpenzuar për të redaktuar një spreadsheet mund të shihet si një mashtrim i pastër, ndërsa një orë duke luajtur një lojë kompjuterike mund të shihet si argëtim.

Me fjalë të tjera, angazhimi është rrjedha e punës. Kjo do të thotë të kesh liri për të kryer punën si dhe kur të duash. Detyrat dhe qëllimet e qarta me fillimet dhe përfundimet e përcaktuara. Dhe reagime të vazhdueshme se si po e bën punën.

2. Puna ku ekziston një përfitim për njerëzit e tjerë

Për vite, filozofët dhe prindërit na kanë thënë se është më mirë të japësh sesa të marrësh. Dhe askund kjo deklaratë nuk është më e vërtetë se kur bëhet fjalë për kënaqësinë në punë.

Ekziston një numër gjithnjë e më i madh dëshmish që tregojnë se ndihma për të tjerët është një përbërës kyç për kënaqësinë e jetës. Njerëzit, të cilët punojnë si vullnetarë janë më pak të depresionuar dhe më të shëndetshëm. Një studim i rastësishëm tregoi se kryerja e një akti të mirëfilltë të mirësisë e bën dhuruesin më të lumtur se kur merr diçka.

3. Puna në të cilën ju jeni të mirë dhe ku ndiheni të vlerësuar

Është e vështirë të ndiheni të kënaqur nga puna juaj nëse jeni vazhdimisht në një “luftë”. Megjithatë, duke qenë i kualifikuar në punën tuaj ju ndihmon të ndiheni më të vlerësuar.

Kjo mund të nënkuptojë orë pune më fleksibël për të kaluar kohë me familjen, duke punuar në projekte më domethënëse dhe sfiduese. Kjo nuk do të thotë se duhet të punoni vetëm në atë që jeni të mirë. Por, të keni potencial për të qenë i mirë dhe për t’u bërë më të mirë në të, është një faktor i rëndësishëm në punën që ju jep kënaqësi.

4.  Fleksibiliteti në mënyrën se si dhe ku punoni

Në një studim prej 1,500 profesionistësh, startup-i Werk zbuloi se 96% e të punësuarve kanë nevojë për fleksibilitet, ndërsa vetëm 47% kanë raportuar se kanë qasje në të.

Lexoni: Momenti më i mirë për t’u larguar nga një punë është kur…

Fleksibiliteti lejon që punonjësit të krijojnë ekuilibrin dhe të merren me të gjitha gjërat e tjera që ndodhin në jetën e tyre. Duke pasur një fleksibilitet në mënyrën se si, ku dhe kur punoni, mund të rrisë angazhimin, produktivitetin, lumturinë dhe fokusin.

5. Mungesa e gjërave negative

Ndërsa shumica e gjërave që po shikojmë janë kërkesa për kënaqësi pune, ajo që mungon nga puna juaj është po aq e rëndësishme.

Disa nga burimet më të mëdha të pakënaqësisë së punës përfshijnë:
• Orari i gjatë ose i paparashikueshëm
• Ndjenja e mosvlerësimit (përmes pagës ose mirënjohjes)
• Ndjenja sikur jeni në rrezik (qoftë fizikisht ose pasiguri në punë)
Cilado qoftë nga këto cilësi mund të kthejë shpejt një punë të kënaqshme në një makth.

6. Bashkëpunimet që kanë kuptim

Personat me të cilët punoni mund të jenë po aq të rëndësishëm sa puna që bëni. Dhe ndërkohë që nuk duhet të jeni miq me kolegët tuaj, hulumtimet tregojnë se është e rëndësishme të dini se mund të merrni ndihmë nga kolegët tuaj kur keni probleme.

Në fakt “mbështetja sociale” është ndër parashikuesit kryesorë të kënaqësisë në punë.

Bashkëpunëtorët tuaj mund të jenë burim ndihme ose stresi në vendin e punës. Dhe ndjenja se ju keni një lidhje të mirëfilltë dhe mund të kërkoni ndihmë kur të keni nevojë, do të bëjë që orari juaj i punës të jetë më i kënaqshëm.

Të gjithë duam të ndihemi mirë për punën që bëjmë. Por nuk është gjithmonë e lehtë. Kënaqësia në punë është thellësisht personale dhe e vështirë për t’u përcaktuar.

Pra, ndërsa kjo listë mund t’ju ndihmojë të identifikoni cilësitë që do t’i bëjnë ditët tuaja të punës më të mira, ju takon ju që të shihni dhe të gjeni se çfarë mungon në punën tuaj. A ndiheni të angazhuar? A po i ndihmoni të tjerët? A keni fleksibilitet dhe përkrahje? A ka diçka negative që mund të ndryshoni? Një ndryshim i vogël në një nga këto gjëra mund të ketë një ndikim të madh në mënyrën se si ndiheni në fund të ditës.

burimi: Fast Company

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0