5 shenja që tregojnë se dikush nuk është i përshtatshëm për të udhëhequr njerëzit - Business Magazine Albania

5 shenja që tregojnë se dikush nuk është i përshtatshëm për të udhëhequr njerëzit

udhëhequr njerëzit

Njerëzit largohen nga menaxherët, jo nga kompanitë!

Menaxherët e orientuar drejt njerëzve e kuptojnë se çfarë duhet të bëjnë për të nxjerrë më të mirën nga ta. Por, nga ana tjetër ka menaxherë që vendosen në role drejtuese, kur nuk kanë kompetencat e duhura.

Kjo është arsyeja pse vendimi i vetëm më i madh që çdo organizatë do të marrë është ai i emërimit të menaxherit. vendimi më i keq është emërimi si menaxher i personit të gabuar.

Pra, si të dallojmë që dikush nuk është i përshtatshëm për të udhëhequr?

  1. Ata kujdesen vetëm për veten e tyre

Këta menaxherë nuk janë të shqetësuar me përmbushjen e misionit të kompanisë ose përafrimin e qëllimeve të ekipit me objektivat organizative. Bëhet fjalë për performancën e tyre individuale dhe marrjen e atij shpërblimi vjetor. Menaxherët me këtë qëndrim po luajnë për veten e tyre dhe janë të shqetësuar vetëm për arritjet e tyre dhe si duken tek eprorët e tyre.

Lexoni: Cila është fuqia e besimeve?

  1. Prirjet narcisiste

Ky menaxher shpesh nënçmon punën e një anëtari të ekipit dhe madje mund të tallet me stafin në takime. Kur ai ka nevojë për diçka nga ju, mund të bëhet kërcënues. Në rastin e tij më toksik, ai do t’ju bëjë të dyshoni për veten dhe vlerën tuaj përfundimtare për kompaninë.

  1. Trajtimi i njerëzve si shifra

Në strukturat e fuqisë nga lart-poshtë, punonjësit konsiderohen të jenë objekte ose shpenzime dhe jo asete; nuk shqetësohet njeri për lumturinë ose mirëqenien e tyre, pasi motivi për punësimin e tyre ishte thjesht produktivitet dhe fitim. Si rezultat, do të hasni nivele të larta të stresit, qarkullimit të punonjësve, mungesave dhe burnout.

  1. Kontroll i tepruar

Mjedisi i punës është mbizotërues dhe mbytës, sepse menaxherët duan kontroll mbi të gjitha vendimet. Menaxherë të tillë nuk i besojnë ekipit, kështu që detyrat rrallë u delegohen të tjerëve. Vështirë se ka vend për diskutim ose kontribut në grup, sepse stili i menaxhimit është autokratik, gjë që kufizon kreativitetin dhe dëshirën e ekipit për të mësuar gjëra të reja.

  1. Marrja e meritës për vete kur i takon ekipit

Ekipi krijon një produkt të mrekullueshëm dhe klienti është i kënaqur me rezultatet. Pastaj ndodh që menaxheri merr të gjitha meritat. Asnjë lavdërim për ekipin, asnjë festim i suksesit të të gjithëve, asnjë njohje e anëtarëve të ekipit për kontributet e tyre. Ky lloj menaxheri do të vjedhë meritat, gjë që çon në një dështim total të angazhimit të punonjësve.

/inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0