Të jesh kreativ mund të dëmtojë karrierën tënde


Thuhet se kreativiteti luan një rol të vogël në përcaktimin e suksesit të karrierës. Pikërisht për këtë arsye e përmendim kaq shumë. Të mendosh jashtë kutisë është diçka që nuk ju pëlqen shumë drejtuesve që duan të luajnë një lojë të sigurt dhe duan të arrijnë rezultate pa i hapur shumë “flatrat”.

Nga hulumtime të ndryshme lidhur me cilësitë pozitive, si inteligjenca emocionale, empatia dhe ambicia edhe ato kanë disavantazhet e tyre.

Kjo është një listë e shkurtër që shpjegon pse nuk mund të jesh më i suksesshëm nëse je kreativ, bazuar në disa kërkime të shkencës.

  1. Ju mërziteni shpejt sidomos me rutinën dhe punët që përsëriten

Edhe pse kjo mund të duket si diçka që ju ndodh të gjithëve, në fakt njerëzit kreativ bien më shpejt në këtë kategori. Hapja ndaj eksperiencave të rea është karakteristikë e njerëzve me kreativitet të lartë. Ata mërziten dhe me mjedisin e punës dhe përsëritja i bën të ndihen të kontrolluar, të parashikueshëm.

  1. Mendja juaj është kuriozë dhe ju përpiqeni të fokusoheni vetëm në një detyrë për shumë gjatë

Mendjet kreative kanë tendencën të përshtaten në mënyra të ndryshme, duke kaluar nga një mendim në një tjetër. Ata përhumben gjatë mbledhjeve dhe të tjerët e kanë të vështirë të ndjekin rrjedhën e mendimeve të tyre.

  1. E adhuroni ideimin, por urreni ekzekutimin

Inovacioni është aplikimi praktik i kreativitetit. Ndodh gjithmonë si rezultat i ekipeve që punojnë së bashku për të kthyer idetë në një produkt actual apo shërbime. Për këtë arsye shumë mendje kreative nuk mund të prodhojnë diçka innovative së bashku. Nëse ju pëlqen të prodhoni po jo të implementoni ide, atëherë bashkohuni me njerëz të tjerë që mund ta bëjnë këtë punë dhe kështu do të merrni rezultate. Në fakt, mungesa e ideve kreative nuk është arsyeja pse shumë kompani e kanë të vështirë të ecin para. Është mungesa e aftësisë për t’i shndërruar këto ide në risi dhe njerëzit kreativ nuk flasin asnjëherë për këtë sfidë.

  1. Keni probleme me autoritetin. Nuk ju pëlqen t’ju thonë ç’duhet të bëni

Njësoj si çdo aftësi tjetër, kreativiteti bashkë-ekziston me sjelljet e ndryshme të njeriut. Ajo çfarë i bën rebelët e talentuar të veçantë është se ata e kanë të vështirë t’i binden rregullave.

Sa më pak frymëzues të jetë realiteti, aq më shumë sjellje të ngrysura kanë ata, sidomos kur ju thuhet çfarë duhet të bëjnë. Por për të kaluar disa faza në jetë ose për të patur sukses, duhet të pajtoheni edhe me gjëra që nuk keni dëshirë t’i bëni.

  1. Ju keni tendencën të lartësoni aftësitë tuaja

Jo të gjithë njerëzit kreativë kanë shumë vetëbesim apo janë arrogantë, por ata kanë tendenca narcistike. Nëse i pëlqeni aq shumë idetë tuaja sa idetë e njerëzve të tjerë ju duken pavlerë dhe mendoni se nuk po merrni vlerësimin e duhur, apo shefi po injoron sugjerimet tuaja, lajmi i keq është se ky mund të jeni ju.

Kjo është një arsye pse shumë njerëz të paaftë bëhen drejtues, sepse ata nuk janë të ndërgjegjshëm për limitet e tyre. vetëvlerësimi mund t’i shtyjë njerëzit të bëjnë gabime, i bën më imunë ndaj komenteve dhe kur të tjerët të kuptojnë se nuk jeni aq i mirë sa mendoni, ju do të kosideroheni si arrogant dhe i padurueshëm.

/BusinessInsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale