5 mënyra të thjeshta për t’u bërë një lider më i mirë - Business Magazine Albania

5 mënyra të thjeshta për t’u bërë një lider më i mirë


Të jesh një lider shumë i mirë mund të jetë e vështirë. Të jesh një lider më i mirë është e lehtë.

Lidershipi zakonisht mendohet si diçka më e vështirë sesa është në të vërtetë. Kjo nuk do të thotë se është e lehtë të jesh një lider i mirë, por ka disa mënyra të thjeshta për t’u përmirësuar dhe për t’u bërë një lider më i mirë, i cili nuk kërkon aftësi të mbinatyrshme dhe trajnime të shumta.

1. Ji pozitiv
Pozitiviteti ka një impakt të madh për të arritur majat e suksesit në projektet tona. Kur kemi një mungesë të pozitivitetit dhe shohim se diçka po dështon, ne stepemi dhe ngremë supet lart duke thënë: “E dija që do të ndodhte.” Nëse do të kemi një pamje pozitive për të ardhmen, ne do të jemi në gjëndje të ndryshojmë çdo gjë që dëshirojmë. Të qënurit pozitiv nuk të garanton suksesin por ajo çka është e sigurt është fakti që nëse lideri përcjell pozitivitet, ashtu do të bëjë dhe skuadra.

2. Gjej kohë për të dëgjuar
Të dëgjosh personat e tjerë është një nga mënyrat më të lehta për të treguar respekt dhe për të ndërtuar besim midis skuadrës dhe vetes tënde si lider. Nëse mund të shkoni më tej dhe të bëni disa pyetje, duke rritur impaktin, do të shihni qe do të krijohen benefite edhe më të mira.

3. Thuaj faleminderit
Mirësjellja nuk kushton asgjë por feedback-u mund të jetë shumë i vlefshëm. Ne të gjithë duam të ndihemi të vlerësuar dhe vetëm një “Faleminderit” mund të bëjë diferencën.

4. Jini vetvetja
Unë jam një person i cili beson shumë në fuqinë e lidershipit dhe ndonjëherë mendoj se njerëzit mendojnë shumë në lidhje më të. Kështu që vetëm jini vetvetja dhe bëjeni këtë gjë rregullisht. Asgjë nuk do të jetë më e lehtë sesa të jesh vetvetja.

E kuptoj që disa njerëz nuk kanë besim në veten e tyre dhe përpiqen të vendosin një imazh në atë se çfarë mendojnë se një lider është, por gjyshja ime thoshte gjithmonë: “Nëse je gjithmonë vetvetja, nuk do të të duhet të mbash mend kush po pretendoje të ishe,” dhe mendoj se kjo është një këshillë mjaft e vlefshme.

5. Bëj atë që thua se do të bësh
E fundit dhe me shumë mundësi më e rëndësisshmja, nëse lini një angazhim, përkushtojini atij angazhimi. Asgjë nuk e ndërton besimin me skuadrën tuaj më shpejt se kjo, dhe besimi është guri i themelit i një lidershipi të mirë.

Nëse ndiqni këto 5 sugjerime të thjeshta, do të përmirësoni lidershipin tuaj, do të krijoni marrdhënie më të mira me skuadrën tuaj dhe do ju ndihmojë ju për të arritur rezultate më të larta.

Burimi: Shkruar nga Gordon Tredgold dhe publikuar në inc.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0