5 gjëra që nuk duhet të bëni kur jeni duke drejtuar një biznes të vogël - Business Magazine Albania

5 gjëra që nuk duhet të bëni kur jeni duke drejtuar një biznes të vogël


Mos nxitoni kur bëni një partneritet

Ndonëse dikush është miku juaj më i mirë, bashkëpunëtori apo ndonjë person tjetër i rëndësishëm nuk e kualifikon atë si kandidatin e duhur për të krijuar një biznes së bashku. Partneri më i mirë është zakonisht dikush, aftësitë dhe qasja e të cilëve janë të kundërta me tuajat. E para siguron që ju jeni në gjendje të mbuloni një terren shumë më tepër pa punonjës shtesë. E dyta mund të krijojë konflikte, por do t’ju detyrojë të mbroni instinktet tuaja të biznesit dhe eleminoni idetë dashakeqëse përpara se të harxhoni burimet.

Lexoni: Pesë mënyra për të rritur biznesin tuaj me Erasmus

Mos u dekurajoni

Drejtimi i një kompanie nuk është një qëllim, është një rrugëtim i gjatë, plot kthesa të papritura. Shijojeni procesin! Nëse qëllimi juaj nuk është që të fitoni para, por të keni një strategji të mirë, shanset janë që ju do të keni një karrierë sipërmarrëse afatgjatë përpara. Ju do të keni ulje dhe ngritje, ndoshta në të njëjtën javë apo edhe ditë. Ju do të fitoni klientë dhe do të humbni të tjerë për arsye të drejta dhe të padrejta. Kjo është e gjitha pjesë e një biznesi.

Mos harroni pse keni dashur të filloni një biznes

Nëse nuk është një pasion apo që të keni më shumë kontroll mbi kohën tuaj kushtuar familjes, pse e filluat këtë rrugëtim. Është e thjeshtë të dorëzoheni duke lënë gjithçka dhe të harroni pse keni dashur të filloni një biznes tuajin, por duhet të merrni parasysh se ndonjëherë sakrificat e përkohshme mund të jenë me të vërtetë të nevojshme, për të jetuar në pjesën tjetër të jetës shijen e ëmbël të fitores.

Mos u mundoni të bëni gjithçka vetë

Ndonjëherë përfshihemi aq shumë në kompaninë që krijojmë saqë mundohemi të mbulojmë gjithçka dhe e gjejmë veten të zhytur aq thellë në punë që nuk i kishim parashikur kurrë. Ato detyra vijnë me kurba të të nxënit dhe marrin kohë të vlefshme dhe energji – energji që mund të kishin shkuar në krijimin e strategjive për rritjen e biznesit.

Mos ndaloni së zhvilluari

Strategjia juaj, plani juaj i marketingut, tregu juaj i synuar – asgjë nuk është e ndarë me thikë. Bota po ndryshon gjithnjë e më shumë çdo ditë. Industria juaj ka gjasa të përjetojë një ndryshim, qoftë të lehtë apo monumental. Si një biznes i vogël, ju jeni në disavantazh, sepse burimet tuaja janë shumë më të kufizuara. Por ju keni një avantazh të paçmuar në aftësinë për të ndryshuar kursin dhe përshtateni shumë më shpejt se një organizatë e madhe.

Mënyra më e mirë për të mbetur të rëndësishëm është të mbani sytë hapur për ndryshimet që ndodhin, të mbani mendjen hapur ndaj ideve të reja dhe aftësistë tuaja të jenë fleksibël në bazë të ndryshimeve.

Gjithashtu shijoni rrugëtimin

Të paturit e një vizioni të qartë se ku doni të arrini është shumë e rëndësishme, por kjo nuk është gjithçka. Tregu, njerëzit, marrëdhëniet që krijoni janë pjesë e pandashme e gjithë rrugëtimit që ju mëson dhe zhvillon. Merrini gjërat me sportivitet dhe shijoni çdo gjë që ju vjen, madje edhe sfidat dhe vështirësitë që do të hasni.

Gjithashtu, sigurisht, mos kini frikë të bëni gabime!

burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0