Programi Ersamus synon të rifitojë frymën sipërmarrëse në Europë, të mbështesë bizneset e reja në fazat vendimtare të ciklit të jetës së tyre dhe t’i ndihmojë ata të rriten. Erasmus për sipërmarrësit e rinj, është një program ndërkufitar, që lehtëson shkëmbimin e përvojës sipërmarrëse dhe menaxheriale.
Dy aktorët kryesorë të kësaj lidhje janë sipërmarrësit e rinj dhe sipërmarrësit e suksesshëm. Por, nëse ende keni nevojë për një mendim, ju nevojiten pesë arsye bindëse për të rritur biznesin tuaj me Erasmus për sipërmarrësit e rinj.
Ersamus sjell ajër të pastër për biznesin tuaj
Dy koka janë më të mira se një. Dhe kur njëri tru është i ri dhe plot ide, zakonisht pritshmëritë janë gjithmonë inovative. Programi bazohen në zhvillimin e projekteve, inovacion, shitjen dhe marketingun e kompanisë, apo hulumtimit të tregut dhe zhvillimin e mundësive të reja të biznesit. Sjellja e një të deleguari ndërkombëtar në bord mund të ndihmojë gjithmonë për të hapur mundësi të reja të tregut dhe lidhje ndërkufitare.
Siguron cilësi
Por, çfarë ndodh nëse ndërmerr diçka të re, e cila mund të më shkaktojë humbje kohe dhe burimesh? Asgjë për t’u shqetësuar! Ekziston një listë e madhe e mekanizmave të cilësisë për të siguruar që biznesi juaj të marrë atë që i nevojitet. Para së gjithash, gjithmonë mund të pranoni ose jo ndonjë kandidat të mundshëm dhe të keni kontakt të drejtpërdrejtë me të, para se të merrni vendimin tuaj. Së dyti, të dy do të duhet të punoni së bashku në një plan pune dhe të pranoni atë që ndihmon për të vendosur një bazë të përbashkët për të dyja palët, përveç organizatave ndërmjetësuese në nivel kombëtar.
Lexo: 5 Mënyra për të mos folur, por për të qenë një udhëheqës autentik
Nuk ka kosto shtesë
Nëse gjëja e fundit që ju nevojitet është një linjë ekstra buxhetore, nuk do të jeni të detyruar të kontribuoni ekonomikisht. Përveç kësaj, do të keni mundësi të keni një ndërgjegje të pastër pasi programi erasmus do të mbulojë shpenzimet e udhëtimit dhe të jetesës gjatë shkëmbimit të përvojës.
Është fleksibil
Koha për shkëmbim mund të luhatet nga një në gjashtë muaj.
Është i lehtë
Në fakt është e vërtetë. I gjithë procesi përfshin vetëm katër faza. Pritja e sipërmarrësit të ri në biznes mund të ketë një provë 2 javore. Pjesëmarrja kërkon që ju (si dhe sipërmarrësit e rinj) të regjistroheni dhe të aplikoni nëpërmjet regjistrimit online. Juve do t’ju kërkohet të kontaktoni një organizatë ndërmjetëse sipas zgjedhjes tuaj, e cila do të jetë përgjegjëse për aplikimin tuaj dhe pranimin e programit. Pasi të keni gjetur sipërmarrësin tuaj të ri ideal, do të punoni së bashku draftin e “Angazhimit ndaj cilësisë”, që përbëhet nga një përshkrim i projektit të punës, mësimit, objektivave, detyrave, përgjegjësive, rezultateve financiare, kushteve juridike dhe implikimeve ligjore të shkëmbimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
