Më shumë se 200 revista shëndetësore në të gjithë botën kanë botuar editoriale, të cilat u bëjnë thirrje udhëheqësve të ndërmarrin veprime urgjente për ndryshimet klimatike dhe të mbrojnë shëndetin.
“British Medical Journal” tha se është hera e parë që kaq shumë botime mblidhen për trajtimin e të njëjtës çështje, duke reflektuar ashpërsinë e situatës. Shkollat mjekësore në Mbretërinë e Bashkuar duhet të japin mësim rreth krizës klimatike, thonë studentët.
Editoriali, i cili po botohet para Asamblesë së Përgjithshme të OKB-së dhe samitit të klimës në Glasgow këtë nëntor, thotë: “Përpara këtyre takimeve kryesore, ne – redaktorët e revistave shëndetësore në të gjithë botën – bëjmë thirrje për veprime urgjente për të mbajtur temperaturat mesatare globale të rritura nën 1.5 gradë Celsius, të ndalojë shkatërrimin e natyrës dhe të mbrojë shëndetin”.
“Shëndeti tashmë po dëmtohet nga rritja e temperaturës globale dhe shkatërrimi i botës natyrore”. Shkenca është e qartë: një rritje globale prej 1.5 gradë Celsius mbi mesataren dhe humbja e vazhdueshme e biodiversitetit rrezikojnë dëmtime katastrofike për shëndetin që do të jetë e pamundur të anulohen.
LEXO: Raporti i OKB-së për klimën: Ngrohja globale me 1,5 gradë arrihet që në 2030-n
Ne nuk mund të presim që pandemia të kalojë për të zvogëluar shpejt emetimet. Duke reflektuar ashpërsinë e momentit, ky editorial shfaqet në revistat shëndetësore në të gjithë botën. “Kërcënimi më i madh për shëndetin publik global është dështimi i vazhdueshëm i udhëheqësve botërorë për të mbajtur temperaturën globale nën 1.5 gradë Celsius dhe për të rikthyer natyrën”.
“Ne, si redaktorë të revistave shëndetësore, u bëjmë thirrje qeverive dhe udhëheqësve të tjerë të veprojnë, duke e shënuar 2021-shin, si vitin që bota më në fund ndryshon kurs”.
Një pishinë në San Bernardino në qershor. Nxehtësia është tashmë vrasësi më i madh i amerikanëve Kombet më të pasura duhet të veprojnë më shpejt dhe të bëjnë më shumë për të mbështetur ato vende që tashmë vuajnë nën temperatura më të larta.
2021 duhet të jetë viti kur bota ndryshon kurs – shëndeti ynë varet nga ai, janë shprehur gazetarët në revistat e ndryshme.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
