Top 10 startup-et shqiptare në renditjen botërore » Business Magazine Albania – Media Dixhitale dedikuar Sipërmarrjes
Përditësuar së fundmi: 09/07/2018

Top 10 startup-et shqiptare në renditjen botërore

Share
nga Anerola Torollari
Kor 09, 2018
Studied at Faculty of Science, Content Editor Biznesi at Business Magazine
lexo me teper >

Edhe Shqipëria është pjesë e listës së startup-eve më të mirë në mbarë botën në portalin StartupRanking me startup-e si Gjirafa, Shpi.al, etj, të cilët kanë punuar fort për të qenë në krye të listës. Kjo renditje ndryshon gjatë gjithë kohës, por mesa duket Gjirafa jo vetëm vazhdon kryesimin e startup-eve shqiptare, por me shërbimet e saj të reja kryeson tre vendet e para.

BusinessMag në këtë artikull ju sjell top 10 startup-et më të mira shqiptare të momentit.

1. Gjirafa

Motorri i parë i kërkimit në gjuhën shqipe, që ndryshe nga Google zgjidh disa probleme që dalin nga gjuha unike dhe komplekse që përdorin shqiptarët. Një nga problemet është se një pjesë e informacionit që kërkohet shqip, nuk ndodhet në internet. Për të zgjidhur këtë problem, Mërgim Cahani bashkë me skuadrën e tij kanë punuar për hedhjen e sa më shumë informacioneve shqip online.

Duke përdorur algoritme të avancuara të përpunimit të gjuhës natyrore, Gjirafa siguron qasje në të dhëna që aktualisht nuk mund të kontrollohen në internet.

2. Gjirafa50.com

Dyqani online më i madh për produktet teknologjike në Kosovë
Është dyqan online i specializuar për shitjen e TOP produkteve më të kërkuara të teknologjisë dhe me çmimet më të lira.

Lexoni: Gjirafa lançon “Amazon” e Kosovës – Gjirafa50

3. GjirafaMall

Site E-commerce për Kosovën, Shqipërinë dhe Maqedoninë.

GjirafaMall.com është dyqani më i madh online në Kosovë me mbi 60.000 produkte nëpër kategori të shumta: Auto, Librari, Shtëpi, Aksesorë, Veshje, Fëmijë, Teknologji, Kozmetikë, Sport, Vegla Pune. Transportin e porosive e bëjnë për 48 orë.

4. 100oferta

Që nga themelimi i saj në Shkurt të vitit 2012, 100oferta.com është rritur duke u klasifikuar si site më i madh në Shqipëri. Nëse doni të blini prona, shtëpi, makina, të merrni me qera në Shqipëri, ose kërkoni të punësoni dikë jeni në vendin e duhur. Aktualisht ajo publikon mbi 9500 reklama në një gamë të gjerë kategorish duke tërhequr mbi 300.000 vizitorë. 100oferta.com ka gëzuar rritje të shpejtë duke vënë përdoruesit të parët.

5. Business Magazine Albania

Business Magazine Albania është revista e parë online e biznesit dhe sipërmarrjes në shqip. Ajo konsiston gjithashtu në një platformë dixhitale online që përfshin botime periodike të artikujve për biznesin, sipërmarrjen, startupet për profesionistë në kërkim të frymëzimit, por jo vetëm.

Ai është i pari i këtij lloji në Shqipëri dhe synon profesionistë shqiptar dhe të rinj frymëzues që kërkojnë të bëhen sipërmarrës të ardhshëm.

Business Magazine Albania funksionon si një linjë biznesi dhe teknologjike dhe që ofron shumë histori suksesi frymëzuese, intervista me ekspertë, mendime nga menaxherët, pronarët e bizneseve, investitorët e mundshëm, si të hapni një biznes, video etj.

6. Publer

Lejoni që një Superhero t’iu ndihmojë të menaxhoni Facebook-un tuaj

Skeduloni çdo gjë (duke përfshirë postimet me shumë foto, albumet, videot dhe ofertat) kudo në Facebook (duke përfshirë profilet, faqet, grupet dhe eventet). AutoScheduling, Bulk Scheduling dhe shumë superfuqi të tjera do ta bëjnë jetën tuaj si administrator shumë më të lehtë.

7. Shpi.al

Në qoftë se jeni të interesuar për një shtëpi të re apo po kërkoni hapësirën e duhur për të ngritur një biznes ka disa burime që ju mund t’i përdorni në Shqipëri për të gjetur pasuri të patundshme. Shpi.al është një nga këto zgjidhje, ku konsumatorët mund të aksesojnë online të rejat më të fundit në lidhje më shtëpitë, apartamentet apo dyqanet që janë për t’u shitur dhe jo vetëm. Në qoftë se jeni ose jo blerës apo zotërues i një prone, me anë të telefonit tuaj mund të merrni informacionin që ju nevojitet për të bërë zgjedhjen e duhur dhe për këtë shërben Shpi.al.

Lexoni: Tomi Kallanxhi: “Me Shpi.al jemi gjithnjë në evolucion”

8. AutoBox

Shit / Bli makina Online !

Pasioni për makinat u kthye në internetin Shqiptar!
AutoBox është platforma më e mirë për shitjen dhe blerjen e makinave. Ajo ndihmon që përdoruesit të gjejnë pjesë dhe shërbime të ndryshme.

9. Manoolia

Zhvillues, dizenjues dhe copywriters

Manoolia është një ekip i vogël i 15 zhvilluesve, dizenjuesve dhe copywriters kreativë të vendosur në Tiranë, Shqipëri. Ata punojnë me një dëshirë të madhe në projekte të mëdha, në mënyrë që t’i ndihmojnë klientët të arrijnë qëllimet, me ekzpertizen dhe krijimtarinë e tyre.

10. Online Marketing Academy

Trajnimi që iu duhet për të punuar Online

Online Marketing Academy ofron trajnime në fushën e Marketingut Online dhe Network Marketing. Akademia ku mund të mësoni çdo gjë rreth botës Online.

/startupranking