100 libra në vit, si mund t’i lexojnë edhe njerëzit më të zënë?


Cili është sekreti i të menduarit si CEO? Sipas Jessica Mah, bashkëthemeluese e InDinero, është e thjeshtë: vetëm lexo 100 libra në vit! Ajo nuk është e vetmja që insiston në këtë, nëse doni të jeni të suksesshëm, ju duhet të lexoni më shumë. Të mëdhenjtë e biznesit si Bill Gates dhe Warren Buffett kanë thënë të njëjtën gjë. Mark Zuckerberg citoi 23 tituj si pjesë të klubit të librit vitin e kaluar.

Problemi padyshim është që ju jeni të zënë. Pjesa më e madhe prej nesh do të vdisnin të kishin kohën e kënaqësisë gjatë së cilës të lexonin një libër për orë të tëra çdo ditë, por pak e arrijnë. Si ia bëjnë këta miliarderë kaq të zënë të gjejnë kohën për të lexuar kaq shumë? Dhe çfarë ka më shumë rëndësi, si mundeni ju?

Themeluesi dhe autori Darius Foroux insiston se të lexosh 100 libra në vit është e arritshme, pak rëndësi ka orari juaj. Në një postim të fundit në Medium ai ofroi disa këshilla të detajuara se si edhe biznesmenët më të zënë mund të lexojnë shumë.

1. Blini libra në avancë

Kur përpiqeni të krijoni zakone të reja, kërkon heqjen e të gjitha pengesave që mund t’ju dalin gjatë rrugës, pa marrë parasysh sa e vogël. Kështuqë ata që po kërkojnë të marrin “vitamina të reja” mund ta drejtojnë shikimin në shishe në nivelin e syrit, ose ‘atletët’ e rinj mund të investojnë në atlete më të mira. Për ata që duan të jenë lexuesë, ky parim dikton se nuk duhet të prisni derisa të mbaroni një libër për të blerë një tjetër.

Librat duhet t’i keni gjithmonë të disponueshëm dhe lehtësisht të arritshëm rreth jush. “Nëse keni më shumë libra në shtëpinë tuaj, do të keni më shumë zgjedhje, dhe kjo do t’ju ndihmojë të lexoni më tepër,” insiston Foroux. “Ja sepse: Shumica e librave që lexoni nuk janë të planifikuar në avancë. Ju nuk uleni në Janar dhe të thoni: ‘Javën e parë të Janarit do të lexoj këtë libër.’ Ju përfundoni një libër, shikoni në ‘inventarin’ tuaj, dhe zgjidhni se çfarë do të lexoni pas tij…Patja e një inventari me libra na e mban lart ritmin që kemi nisur kur lexojmë një libër. Kështu nuk do të keni kurrë asnjë justifikim për të mos lexuar.”

2. Jini gjithmonë duke lexuar

Është e thjeshtë fare, jini gjithmonë duke lexuar. Jo, ju nuk do të gjeni në mënyrë të habitshme kohë për të gllabëruar një roman. Në vend të kësaj, ju duhet të bëni zgjedhje të ndërgjegjshme për t’i përdorur momentet spcifike dhe fundin e ditës për të arritur targetin tuaj.

“Gjeni një mënyrë për të lexuar sipas kohës dhe situatës suaj të jetës,” thotë Foroux, i cili sugjeron që ju mund të lexoni në tren, ndërkohë që prisni te dera e zyrës së mjekut, ose gjatë pushimeve të drekës në punë. Mund t’ju duket këshillë e thjeshtë, por matematika e Foroux është sfiduese. “Shumica e njerëzve lexojnë 50 faqe në orë. Nëse lexoni 10 orë në javë, do të lexoni 26,000 faqe në vit. Le të themi se një libër mesatar përmban 250 faqe: me këtë skenar, ju do të lexoni 104 libra në vit,” rezulton sipas llogaritjeve të tij.

3. Lexoni çfarë ju pëlqen

Doni të lexoni shumë? Atëherë mos e sforconi veten të lexoni libra për të cilët nuk jeni të interesuar në një moment të caktuar. Këtu nuk bëhet fjalë për literaturë shkollore. Çfarëdolloj gjëje që zgjidhni dhe e shijoni do t’ju ofrojë vlerë.

“Jo të gjithë librat janë për të gjithë. Një libër mund të jetë bestseller, por ndoshta ju nuk e duroni dot. Ose mbase nuk është koha e duhur për të lexuar një libër,” thotë Foroux. “Nëse nuk ‘rrëshqisni’ nga një faqe te tjetra, hiqeni këtë libër nga dora dhe zgjidhni diçka që ju gëzon dhe që ju bën t’i shfletoni faqet.” Jeta është shumë e shkurtër (dhe sasia e titujve të librave e bollshme) për të lexuar libra të mërzitshëm.

 

/Shkruar nga Jessica Stillman, Publikuar nga Inc.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale