10 njerëzit më të pasur në botë - Business Magazine Albania

10 njerëzit më të pasur në botë

Klasifikimi i njerëzve më të pasur në planet përfshin 7 amerikanë, një sipërmarrës francez të mallrave luksoze, një manjat meksikan të telekomunikacionit dhe një industrialist indian.

Miliarderët janë disa nga njerëzit më të fuqishëm në botë, të cilët kanë ndikim të rëndësishëm në pjesë të mëdha të ekonomisë botërore dhe luajnë role kyçe në çdo fushë, nga politika ndërkombëtare dhe media, deri te filantropia dhe inovacioni shkencor.

Ata kanë krijuar kompani që punësojnë dhjetëra apo edhe qindra mijë punonjës në mbarë botën dhe zotërojnë disa prej markave më të njohura, duke përfshirë Microsoft, Amazon, Tesla, Google dhe Nike.

Shumica e kanë arritur vetë suksesin. Të tjerë si Bernard Arnault dhe Rupert Murdoch kishin pak mbështetje, por e zgjeruan shumë pasurinë e tyre dhe vazhduan të krijonin perandori në industritë e tyre përkatëse.

Shumë miliarderë mbajnë pjesën më të madhe të pasurisë së tyre neto në aksionet e kompanisë që kanë themeluar. Ndërsa çmimet e aksioneve ndryshojnë, pasuria e tyre lëviz bashkë me to. Që nga marsi 2021, themeluesi i Facebook, Mark Zuckerberg, ishte personi i pestë më i pasur në botë, me vlerë 97 miliardë dollarë.

Nga ajo kohë, stoku i Facebook (i riemërtuar si Meta Platforms) ra me më shumë se 40%; Zuckerberg doli nga 10 më të pasurit dhe që nga 31 janari 2023 renditet në vendin e 23, me vlerë 58 miliardë dollarë.

Gautam Adani nga India kaloi Mukesh Ambani, duke u bërë personi më i pasur në Azi në shkurt 2022. Pasuria e tij u rrit 55 miliardë dollarë vitin e kaluar dhe shpejt ai u ngrit edhe më lart në renditje. Në fund të janarit, ai ishte njeriu i tretë më i pasur në botë.

Më pas, Hindenburg Research publikoi një raport të ashpër, duke akuzuar Adani Group për drejtimin e një “mashtrimi të korporatës”, të cilin miliarderi dhe kompanitë e tij e mohuan me forcë.

Megjithatë, pasuria e tij filloi të bjerë me shpejtësi dhe ai doli nga klasifikimi i 10 më të pasurve më 1 shkurt 2023.

Këta janë 10 njerëzit më të pasur në botë.

  1. Bernard Arnault

Vlera neto: $213.7 B
Burimi: LVMH/ mallra luksoze
Mosha: 73 vjeç
Selia: Paris
Shtetësia: Francë

  1. Elon Musk

Vlera neto: $178.3 B
Burimi: Tesla, SpaceX, Twitter
Mosha: 51 vjeç
Selia: Austin, Teksas
Shtetësia: SHBA

  1. Jeff Bezos

Vlera neto: $126.3 B
Burimi: Amazon
Mosha: 59 vjeç
Selia: Medina, Uashington
Shtetësia: SHBA

  1. Larry Ellison

Vlera neto: $111.9 B
Burimi: Oracle
Mosha: 78 vjeç
Selia: Lanai, Hawai
Shtetësia: SHBA

  1. Warren Buffett

Vlera neto: $108.5 B
Burimi: Berkshire Hathaway
Mosha: 92 vjeç
Selia: Omaha, Nebraska
Shtetësia: SHBA

  1. Bill Gates

Vlera neto: $104.5 B
Burimi: Microsoft, investime
Mosha: 67 vjeç
Selia: Medina, Uashington
Shtetësia: SHBA

  1. Carlos Slim Helu

Vlera neto: $91.7 B
Burimi: Telekomunikacion, investime
Mosha: 83 vjeç
Selia: Mexico City
Shtetësia: Meksikë

  1. Larry Page

Vlera neto: $85.8 B
Burimi: Google
Mosha: 49 vjeç
Selia: Palo Alto, Kaliforni
Shtetësia: SHBA

  1. Mukesh Ambani

Vlera neto: $83.7 B
Burimi: Petrokimike, telekomunikacion
Mosha: 65 vjeç
Selia: Mumbai, Indi
Shtetësia: Indi

  1. Sergey Brin

Vlera neto: $82.2 B
Burimi: Google
Mosha: 49 vjeç
Selia: Los Altos, Kalifornia
Shtetësia: SHBA / Forbes

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0