Sistemi zviceran do të bëjë vendosjen e parë të U-hapësirës (U-space), një infrastrukturë dixhitale në Europë që synon parandalimin e aksidenteve që përfshijnë dronët. Faza e testimit do të fillojë në Qershor të këtij viti, sipas agjencisë zvicerane të lajmeve ATS.
Këtë verë në Zvicër, shitjet e dronëve pritet të rriten, duke shtuar presionin për siguri dhe rregulla më të rrepta.
Sistemi kombëtar i menaxhimit për mjetet ajrore pa pilot (UAV) do të jetë i pari i këtij lloji në kontinentin europian. Projekti është nisur si një bashkëpunim mes Skyguide, shërbimi i navigacionit ajror zviceran dhe AirMap, një platformë për menaxhimin e hapësirës ajrore me bazë në Kaliforni.
Në një komunikim të përbashkët për shtyp, të dy kompanitë paraqitën planet e tyre për të krijuar një “hapësirë më të madhe U-zvicerane” që përfshin regjistrimin e dronit, kufijtë virtualë të bazuar në GPS të njohur si zona gjeografike dhe alarmet në kohë reale për pilotët UAV, të cilët do të jenë të lidhur me shërbimet zvicerane të kontrollit të trafikut ajror.
Sistemi i kontrollit UAV do t’u siguronte dronëve “akses të sigurtë në qiellin zviceran,” shkruajnë ata, duke shtuar se presin që sistemi të jetë “plotësisht funksional” në verën e vitit 2019.
Ekonomi që lulëzon
Një projekt i tillë do të jetë një “katalizator” për rritjen e ekonomisë së dronëve në Zvicër, e cila tashmë po lulëzon, tha Skyguide. Sipas njoftimit për shtyp, numri i kërkesave të fluturimit UAV të marra nga Skyguide është rritur dhjetë herë që nga viti 2013.
burimi: swissinfo
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
