Një arush pellushi ngjitet në stratosferë dhe kthehet në tokë i paprekur

Një eksperiment sa i pazakontë aq edhe spektakolar ka bërë xhiron e rrjetit, një kafshë prej pelushi është dërguar deri në stratosferën e Tokës dhe është kthyer sërish në tokë… pa asnjë dëmtim.

“Emy”, një krijesë e vogël me ngjyra të verdha dhe jeshile, u ngrit në një lartësi prej mbi 116 mijë metrash mbi Kingston, New York, falë një balone me lartësi të madhe. Eksperimenti u realizua nga kompania britanike Raspberry Circle, e njohur për projekte kreative në teknologji.

Lexo gjithashtu: BE hap hetim ndaj Snapchat-it për shkelje të rregullave të sigurisë së fëmijëve dhe privatësisë!

Pas arritjes së kulmit, balona shpërtheu dhe pelushi nisi zbritjen drejt tokës, duke përfunduar udhëtimin në një pemë në Windsor, Connecticut. Sipas CEO-s Sachin Raoul, “Emy” u gjet e paprekur, duke sfiduar pritshmëritë.

Projekti është dërguar tashmë për verifikim në Agjencia Botërore e Çertifikimit të Rekordeve, me synimin për të vendosur rekordin për lartësinë më të madhe të arritur ndonjëherë nga një pelush.

Ndërkohë, shumëkush pyeti: si është e mundur që nuk u dogj gjatë rihyrjes në atmosferë?

Sipas fizikanit të Harvardit, Avi Loeb, sekreti qëndron te fizika. Ndryshe nga meteorët që hyjnë me shpejtësi ekstremisht të lartë dhe digjen nga nxehtësia, një objekt i lehtë si pelushi bie shumë më ngadalë dhe nuk gjeneron energji të mjaftueshme për t’u djegur.

Nga një lodër e thjeshtë… në një “udhëtare” të hapësirës së afërt, Emy tregon se ndonjëherë edhe idetë më të çuditshme mund të sfidojnë kufijtë e mundësisë.