Zbuloni shërbimet e reja për subjektet akomoduese në E-Albania - Business Magazine Albania

Zbuloni shërbimet e reja për subjektet akomoduese në E-Albania


Sezoni turistik po afron! A e dini se në portalin e-Albania janë shtuar së fundmi 9 shërbime të reja elektronike që iu vijnë në ndihmë subjekteve akomoduese që duan të ushtrojnë aktivitetin në ofrimin e kapaciteteve hotelerike, fjetjeje, ushqimi dhe kurative?

e-Shërbimet e reja kanë të bëjnë me aplikimet për certifikim/vlerësim nga Ministria e Zhvillimit Ekonomik, Turizmit, Tregtisë dhe Sipërmarrjes (MZHETTS). Përfitues të aplikimit janë subjektet që zotërojnë apo administrojnë hotele, bujtina, kampingje, resort, qendra kurative, motele, si dhe fjetina dhe për secilin nga shërbimet nuk kërkohet ngarkim dokumentacioni.

Në portalin unik qeveritar e-Albania, secili prej shërbimeve ofrohet më vete dhe çdo i interesuar duke u regjistruar/identifikuar mund të përfundojë aplikimin dhe plotësimin e formularëve që kërkohen për të cilët përgjigjja vjen në një afat maksimal 1 muaj.

Paketa e shërbimeve në fjalë përbën një hap më tej në pasurimin e menusë së portalit për biznesin, pasi aplikimet për certifikim janë detyrim ligjor për subjektet sipas ligjit “Për Turizmin”. Ky ligj detyron MZHETTS-in që të krijojë “Regjistrin Qendror të Turizmit” ku raportohen për qëllime statistikore aktivitetet, fluksi, statusi dhe kapaciteti i sipërmarrjeve turistike. Për këtë arsye aplikimi online që ofrohet në e-Albania është zgjidhje optimale për biznesin që kursen kohë dhe redukton praktikën burokratike, por edhe për institucionet që ofrojnë një shërbim cilësor kundrejt përmbushjes së detyrimeve ligjore dhe objektivave statistikorë.

e-AlbaniaSi të aplikoni për të marrë pjesë në aktivitete jashtë dhe brenda Shqipërisë

Për sektorin e turizmit në portalin e-Albania, funksionon edhe shërbimi “Kërkesë për pjesëmarrje në aktivitete” përmes së cilit subjektet turistike të liçencuara brenda Republikës së Shqipërisë, aplikojnë për të marrë pjesë në aktivitete të ndryshme të tipit panaire, evente, etj. brenda ose jashtë vendit.

Me këtë paketë, portali e-albania bëhet pjesë e përmirësimit të shërbimeve publike në një sektor si turizmi që konsiderohet ndër kryesorët për ekonominë shqiptare. Disponibiliteti i e-Albania është 99%, 24/7 dhe për çdo pyetje apo paqartësi suporti teknik është në dispozicion online.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0