Fshati turistik i Borshit, në jug të Shqipërisë, është përsëri mikpritës i “South Outdoor Festival”, një ngjarje e rëndësishme që promovon turizmin dhe traditën, ndërsa mbështet ekonominë lokale.
Kryeministri Edi Rama ka ndarë në rrjetet sociale disa momente nga “South Outdoor Festival” në Borsh, tashmë i njohur si simbol i fillimit të sezonit veror. Ky festival bashkon turistë shqiptarë dhe të huaj përmes artit, muzikës, traditës, sporteve dhe natyrës së mrekullueshme të Jugut.
“Super festivali South Outdoor rikthehet për ta shndërruar bregdetin e jugut në një destinacion të preferuar dhe plot energji për vizitorët nga mbarë bota, të apasionuar pas natyrës, muzikës, aventurës dhe ekoturizmit,” shkroi Rama.
Festivali do të zhvillohet nga data 23 deri më 28 maj, duke krijuar një atmosferë të shumëpritur me praninë e mijëra të rinjve, vizitorëve vendas dhe të huaj, si një shenjë e mirë për sezonin e ardhshëm veror.
Duke u bërë tashmë një traditë, “South Outdoor Festival” synon të promovojë turizmin e qëndrueshëm gjatë gjithë vitit në fshatrat e bregdetit jonian. Me një kombinim të turizmit detar, traditës dhe aventurës, turistët vendas dhe të huaj kanë shndërruar jugun e Shqipërisë në një skenë festimesh dhe argëtimi. southoutdoor
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
