e-Albania, portali i parë qeveritar shqiptar që ofron 465 shërbime - Business Magazine Albania

e-Albania, portali i parë qeveritar shqiptar që ofron 465 shërbime


Portali online e-Albania ofron aktualisht 465 shërbime të ndryshme.

Në një takim me maturantët e shkollës së mesme të përgjithshme “Gjergj Kastrioti” në Durrës, ministrja e inovacionit dhe administratës Publike, Mirela Harito, ka prezantuar shërbimet e këtij portali që shërben shpejt dhe kursen kohë.

Shërbimi kryesor dhe më i rëndësishëm për maturantët në këtë portal është ai i ‘Maturës Shtetërore’, një shërbim elektronik, i cili mundëson aplikimin online në formularët A1 dhe A1Z.

“Maturantët janë ndër përdoruesit më aktiv të këtij portali dhe ne biseduam sot me ata që përveç shërbimit të maturës të përdorin dhe shumë shërbime të tjera që ofron portali që nga karta e shëndetit, pagesa e energjisë elektrike dhe një sërë shërbimesh t’i përdorin vetë por edhe të mësojnë edhe prindërit ta përdorin atë”, u shpreh Harito.

Portali e-Albania numëron rreth 242 mijë përdorues dhe në të ofrohen një sërë shërbimesh online, si Karta e shëndetit dhe shërbimi për Kontrollin Mjekësor Bazë, e-Lejet (aplikimi për leje ndërtimi në mënyrë elektronike), matura shtetërore, 36 shërbime elektronike të Ministrisë së Punëve të Jashtme dhe Përfaqësive Diplomatike dhe Konsullore, siç janë aplikimet për shtetësi, aplikime për vërtetime apo certifikata të ndryshme, aplikime për leje kalimi etj. Ky portal mundohet që t’ua bëjë jetën më të thjeshtë qytetarëve duke ofruar shumë shërbime, të cilat kryhen më me lehtësi dhe marrin shumë më pak kohë se kur nuk kryhen online.

burimi: GazetaExpress

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0