YouTube ofron filma pa pagesë, por me reklama » Business Magazine Albania – Media Dixhitale dedikuar Sipërmarrjes
Përditësuar së fundmi: 20/11/2018

YouTube ofron filma pa pagesë, por me reklama

Share
nga Anerola Torollari
Nën 20, 2018
Studied at Faculty of Science, Content Editor Biznesi at Business Magazine
lexo me teper >

AdAge ka konfirmuar se platforma video është duke shtuar filma falas, por me reklama në seksionin e saj “Movies & Shows”. Pothuajse koleksioni me 100 filma kryesisht sillet rreth filmave të vjetra, klasikë të cilët tashmë i kanë bërë paratë e tyre, siç është Legally Blonde, Agent Cody Banks dhe Terminator. Megjithatë, studiot mund të grumbullojnë disa të ardhura nga reklamat nga njerëzit që dëshirojnë të shohin një film klasik gjatë një pasdite të përgjumur. Për momentin, zgjedhja është e kufizuar në 100 filma, një përzgjedhje që do të zgjerohet në vazhdimësi.

Lexoni: 17 kanale në YouTube që adhuruesit e makinave duhet t’i konsiderojnë

Sipas AdAge, platforma video filloi të publikojë filma në Tetor me një kategori “Pa pagesë për të parë” në sektorin e filmit, ku përdoruesit kanë blerë tradicionalisht ose kanë marrë filma me qera. Filmat vijnë me ndërprerje komerciale, me reklama që shfaqen në intervale të rregullta.

Drejtori i menaxhimit të produkteve të kompanisë Rohit Dhawan ka thënë për AdAge se kompania pa një mundësi për konsumatorët dhe reklamuesit dhe vë në dukje se mund të ketë një mënyrë që reklamuesit të “sponsorizojnë” filma ose të shfaqen ekskluzivisht.

Përpjekja e YouTube në këtë fushë ka kuptim, pasi vërehet që çdo ditë e më shumë, njerëzit po hyjnë në YouTube nga TV-të e tyre smart dhe shpërndarja e filmave pa pagesë mbështetur nga reklamat mund të jetë një audiencë e re e madhe për rrjetin e gjerë të reklamave të faqes.

Kjo është një mënyrë joshëse për reklamuesit, pasi shumë kompani ngurrojnë të shfaqin reklama, veçanërisht pas incidenteve ku reklamat ishin të lidhura me mesazhe urrejtje. Kjo do t’u japë kompanive një vend të sigurtë për të reklamuar, që mund të pasqyrojnë mjaft mirë markat e tyre.

burimi: engadget