Youtube konkurron me Tik Tok, përdoruesit do të marrin para nga “Shorts” - Business Magazine Albania

Youtube konkurron me Tik Tok, përdoruesit do të marrin para nga “Shorts”

Beteja e videove të postuara në platformat online ka marrë një hov të ri. Youtube ka lajmëruar se do të paguajë për Shorts. Shorts janë kundërpërgjigjia e Youtube ndaj Tik Tok. Ato janë video të shkurtra në format vertikal që shfaqen në krye të platformës dhe mund të shfletohen me shpejtësi nga celulari.Kriteret për të marrë para nga Youtube Shorts është të paturit 4000 orë shikime në kanalin tuaj në videot e zakonshme ose 10 milionë shikime në Shorts gjatë 90 ditëve të fundit. Me plotësimin e njërit prej kushteve, një Creator mund të bëhet pjesë e Youtube Partner Programme që do t’i paguajë në bazë të reklamave që shtohen në videot e tyre.

Tik Tok, aplikacioni më i përdorur aktualisht, i cili ka trembur të gjithë konkurrentët e tij, ka një Creator Fund me anë të të cilit paguan përdoruesit e tij. Kjo do të thotë se përveç pagesave që ata marrin nga bashkëpunimet e ndryshme me të cilat postojnë video, paguhen edhe nga vetë platforma.

Lexo: A ju jep vërtet energji kafeja?

Platforma sociale ka gjithashtu kushtet e saj për pagesat: nevojiten 10 mijë ndjekës dhe të paktën 10.000 shikime reale të videove në 30 ditët e fundit. Sipas disa raportimeve, pagesat variojnë nga 20-40 dollarë për çdo 1 milion shikime.

Përdoruesit mund të tërheqin pagesat e tyre nga fondi vetëm nëse kanë arritur të gjenerojnë të paktën 10 dollarë, pra nevojiten rreth gjysmë milion shikime për të marrë para.

Me shtimin e Youtube Shorts si burim të ardhurash për përdoruesit, duket se këta të fundit do mund të shfrytëzojnë të gjitha platformat e tyre sociale për të rritur fitimet.

time

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0