Nuk dihet kush është më e çuditshme, fakti që Yahoo është ende diçka nën pronësinë e Verizon, apo që Yahoo ka vendosur të prezantojë një aplikacion për mesazhe.
Squirrel, u zbulua nga Android Police në fillim dhe është një aplikacion për mesazhe, pjesë e të cilit mund të vëhesh vetëm me ftesa, dhe të lejon të krijosh grupe mesazhesh për njerëz apo për tema të caktuara.
Në letra, ai duket si çdo aplikacion tjetër. Me ndryshimin se do të shpetosh nga zhurmuesit. Gjithsesi, ai duket i ngjashëm me Slack për organizimin e punës. Ti krijon grupe për detyra të caktuara, dhe gjithçka ndodh brenda aplikacionit. Në rast të ndonjë mesazhi tepër të rëndësishëm, aplikacioni të informon.
Squirrel gjithashtu të lejon të ndash dokumente brenda aplikacionit. Jo vetëm dokumente në fakt por edhe foto dhe link për website të jashtëm. Gjithashtu mund të personalizosh reagimet, përmëndjet (mentions), dhe gjithashtu të krijosh dhoma sekrete brenda një grupi.
Për momentin, mund të bëhesh përdorues vetëm përmes ftesave…si Gmail vite më parë. Çështja është, a kanë nevojë njerëzit me të vërtetë për një aplikacion të tillë? Tregu është i mbushur me aplikacione të tilla. Whatsapp, WeChat, Facebook Messenger, LINE, Viber, Telegram, Skype, Google Allo etj.
Kjo ngre pyetjen, nëse është me të vërtetë i nevojshëm, me gjith pak gjëra të reja që ofron. Google Allo përshëmbull integroi Google Assistant, incognito chat etj. Por, këto nuk e bënë atë aplikacion të “shndërrijë” kundrejt të tjerëve.
Një problem tjetër? Privatësia. Në vitin 2016 Yahoo pati probleme me të dhënat e saj të cilat ishin hack-uar.
Gjithsesi, nuk hubet asgjë që t’a provosh. Vetëm se, duhet të presim për ftesën e parë që do të na vijë.
Burimi: Android Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
