Mbi 50 kompani vendase marrin pjesë në panairin Work &Study, që po mbahet në Tiranë për tre ditë.
Panairi i organizuar nga Dhoma e Tregtisë dhe Industrisë Tiranë, në bashkëpunim me Bashkinë e Tiranës e Ministrinë e Arsimit, Sportit dhe Rinisë në Muzeun Kombëtar shënon edicionin e 10-të të tij.
Nikolin Jaka, Kryetari i Dhomës së Tregtisë dhe Industrisë Tiranë, vlerësoi kompanitë dhe bashkëpunëtorët që janë bërë pjesë e iniciativës së Dhomës së Tregtisë dhe institucionet shtetërore që bashkëpunuan për këtë event. Ky panair synon ofrimin e vendeve të punës kryesisht në sektorin privat.
Lexo: Panairi i 3-të i Turizmit Ndërkombëtar në ExpoCity
Kryetari i Bashkisë së Tiranës, Erion Veliaj, ftoi të rinjtë që të vizitojnë stendat e panairit, duke theksuar se janë rreth 3500 vende pune që ofrohen nga kompanitë, për të filluar kështu një rrugëtim të ri në karrierë.
Krahas kompanive në panair, marrin pjesë 15 Universitete, Shkolla të Larta dhe Shkolla të Formimit Profesional, të cilat prezantojnë platformat e tyre të studimeve dhe të formimit. Prej këtij viti, universitetet nuk po zhvillojnë prezantimet e platformave të tyre nëpër shkolla.
Zv. Ministrja e Arsimit, Lorena Haxhiu ftoi të rinjtë të bëhen pjesë integrale e shoqërisë me mundësi të mëdha studimi dhe punësimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
