Kur ishte 11 vjeç, Buffett shkonte në bibliotekën publike lokale në Omaha dhe lexonte çdo libër që mund të gjente në lidhje me këtë temë.
Një libër në veçanti ishte ai që bënte diferencën mes të tjerash. Miliarderi tani thotë se “Investitori Inteligjent (The Intelligent Investor)“ ndryshoi jetën e tij. Manuali i investimit është shkruar nga një ish-profesor i shkollës Columbia Business, Benjamin Graham, i cili u botua më 1949.
“E dija se çfarë mendonin të gjithë, por ajo që shkruante Graham kishte kuptim“, thotë Buffett, duke folur në një event të kohëve të fundit në Facebook të transmetuar nga Universiteti i Kolumbisë dhe i moderuar nga Charlie Rose.
“Sapo kisha marrë këtë libër në një librari në Lincoln, Nebraska,” thotë ai, duke vënë në dukje se ai ishte vetëm 19 vjeç në atë kohë.
Në libër, Graham detajon filozofinë e tij të “vlerës së investimit”, apo blerjen e aksioneve kur ato janë nënvlerë dhe i mban ato për një periudhë të gjatë kohore. Kjo më vonë do të bëhej një shenjë dalluese e strategjisë së investimeve të Buffett.
“Investimi inteligjent është më shumë një çështje e qasjes mendore sesa ajo e teknikës“, shkruan Graham. “Një përqasje e shëndoshë mentale ndaj luhatjeve të stokut të aksioneve është gur themeli i të gjitha investimeve të suksesshme në kushtet e sotme.”
Në të vërtetë, Buffett, tani president dhe CEO i Berkshire Hathaway, thotë se ajo që e bën atë një investitor të mirë është edhe temperamenti i tij.
“Unë me siguri nuk do të isha futbollist profesionit,” thotë Buffett me një buzëqeshje. “Ishte një çështje për të zhdukur të gjitha paaftësitë e tjera dhe të bëhesha i zoti vetëm në një gjë.”
https://www.facebook.com/BillGates/videos/10154249999681961/
burimi: cnbc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
