Volkswagen Beetle aktual, është versioni i 2 modern i ikonës së kompanisë gjermane. Në fakt, ai është i bazuar në platformën e Golf 6.
Kompania ndërkohë po punon për ndërtimin e Golf 8. Por, kjo nuk do të thotë se me 100% do të ketë edhe një Volkswagen Bettle të ri. Por, nëse kjo ndodh, do të jetë një revolucion i vërtetë.
Sipas një raporti të ri nga Autocar, Volkswagen është duke konsideruar një Bettle elektrik, dhe me 4 dyer. Ky informacion, bazohet në komentet e drejtuesit të Volkswagen, Herbert Diess, dhe Klaus Bischoff, drejtues i dizajnit brenda kompanisë. Ata janë shprehur se një Volkswagen Beetle elektrik është i mundur. Por, më parë duhet të prezantohen disa makina të rëndësishme elektrike për kompaninë.
Revista britanike insiston se Bischoff ka disa vizatime që duket të jenë të Volkswagen Beetle të rradhës. Por duhet të presim edhe disa kohë deri sa kjo të ndodhë. Rreth 2 ose 3 vite ndoshta. Ndërkohë, Volkswagen do të fokusohet në ndërtimin e makianave elektrike të zakonshme, pa ndonjë simpolikë të veçantë, siç është Bettle.
“Detyra jonë është t’i japim drejtim makinave masive. Këto makina kanë teknologji shumë të komplikuar, dhe nëse bën shumë, krijohet një mbingarkesë. Kështu, pas kësaj, ne mund të fillojmë të shohim për makina pak më “egzotike”. – u shpreh Bischoff për Autocar.
Nëse merret drita jeshile, ajo do të jetë e bazuar në platformën MEB, e krijuar vetëm për makinat elektrike. Kjo arkitekturë do të krijojë goxha hapësirë. Kjo do t’a lejojë kompaninë që të ruajë stilin ikonik, duke lënë hapësirë gjithashtu për komfort dhe hapësirë të brendshme. Diçka tjetër pozitive, është edhe mundësia e kthimit të RWD (rear wheel drive/rrotat e pasme aktive) tek Beetle, si dikur.
“Nëse sheh MEB, “wheelbase” më e shkurër është ajo e Volkswagen ID. Nëse vendos Bettle, në vend të saj, gjithçka vazhdon të jetë tepër funksionale dhe komode. Ashtu si me të vërtetë duhet të jetë. Kështu që, mund të jetë një makinë tepër atraktive.”
Burimi: Motor1
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English