Prej 31 dhjetorit të këtij viti, kompania “Ryanair” do të nisë fluturimet në Shqipëri pas firmosjes së marrëveshjes.
Përmes një postimi në rrjetin social në “Facebook”, kryeministri Rama shkruan se do të realizohen 200 fluturime në javë në 17 destinacione.
Rama nënvizon më tej se kompania do të mundësojë krijimin e vendeve të reja të punës si dhe ofrimin e mundësive për fluturimeve direkte mes Tiranës dhe kryeqyteteve evropiane.
“Kompania e fluturimeve Ryanair gati prej 31 dhjetorit të nisë fluturimet në Shqipëri, pas firmosjes së marrëveshjes disa muaj më parë. 200 fluturime në javë në 17 destinacione.
Ryanair planifikon krijimin e vendeve të reja të punës, si edhe ofrimin e mundësive të reja për fluturime direkte mes Tiranës dhe kryeqyteteve europiane”, shkruan Rama.
Kreu i qeverisë shpjegon se “Shqipëria turistike po rritet çdo muaj; vetëm për shtatorin numri i vizitorëve të huaj ishte 1.1 milionë, 45% më shumë se e njëjta periudhë e vitit të kaluar”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
