Inflacioni prej kohësh është në nivele të ulëta dhe larg objektivit të Bankës së Shqipërisë prej 3%.
Sipas të dhënave të Institutit të Statistikave, rritja mesatare e çmimeve po vjen kryesisht nga çmimet e prodhimit bazë “Ushqime dhe pije joalkoolike”. Në korrik rreth gjysma e infacionit u krijua pikërisht nga ushqimet dhe pijet (1,18 pikë përqindjem nga 2.3 % në total).
Brenda grupit të ushqimeve çmimet e nëngrupit “zarzavate përfshirë patatet” u rritën me 18,3 %, pasuar nga nëngrupet “fruta” me 2,7 %, “vajra dhe yndyrna me 2,4 %.
Në rritjen e çmimeve kanë ndikuar gjithashtu edhe inflacioni tek qiraja, lënda djegëse dhe energjia elektrike dhe shërbimet e transportit. Sipas INSTAT të gjitha grupmallrat, janë me rritje çmimi dhe shitjesh.
Krahasuar me një vit më parë, në korrik, rritjen më të madhe e kanë pësuar shërbimet e argëtimit dhe kulturës me 4,6 % për të pasuar tek “Transporti” me 3,2 %.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
