Solar Landscape imagjinon një të ardhme ku energjia diellore do të shpërndahet nëpër site industriale dhe qytete për të përmbushur kërkesën e rritur të rrjetit elektrik.
Kompania diellore e bazuar në New Jersey njoftoi se kishte mbledhur 847 milionë dollarë në financim projektesh dhe investime. Gjithashtu, kishte marrë me qira 40 milionë këmbë katrorë (njësi matëse U.S) hapësirë çatia komerciale për instalimin e paneleve diellore. Financimi erdhi nga 10 investitorë dhe financues. Ata përfshijnë Walmart, disa banka rajonale dhe Bankën e Silicon Valley të First Citizens.
Shaun Keegan, bashkëthemelues dhe CEO i Solar Landscape, e quajti këtë financim “të pabesueshëm” për sektorin diellor. Solar Landscape punon me pronarët e pasurive të paluajtshme për të zhvilluar dhe instaluar panele diellore në çatitë komerciale dhe industriale në 8 shtete. Keegan thotë se programet shtetërore lejojnë kompanitë diellore të punojnë drejtpërdrejt me pronarët dhe të shesin energjinë në rrjet. Kjo ka hapur mundësi të mëdha për rritjen e këtij sektori.
“Ne mund të gjejmë një marrëveshje qiraje me një pronar dhe të kemi qasje në të gjitha ndërtesat e tij njëherësh,” thotë Keegan. “Kështu shmangim marrëveshjet individuale me qiramarrës për çdo ndërtesë.”
Keegan shpjegon se projektet diellore shpesh kanë përjashtuar individët me të ardhura të ulëta. Ata duhet të jenë pronarë të një ndërtese për të instaluar panele. Megjithatë, energjia diellore për komunitetin mundëson që individët të përfitojnë nga çmimet e ulëta, pa pasur nevojë të kenë panele në çatitë e tyre. Shtetet që ofrojnë këtë mundësi ndajnë një përqindje të energjisë për t’u shitur me çmim të zbritur për ata me të ardhura të ulëta.
“Zakonisht, energjia diellore përjashton ata me të ardhura të ulëta,” thotë Keegan. “Ne po regjistrojmë dhjetëra mijëra individë që blejnë energjinë që prodhojmë me çmim të zbritur. Kështu po kursejmë para për familjet e klasës punëtore”.
Në vitin 2024, Solar Landscape tërhoqi 847 milionë dollarë financim. Banka e Silicon Valley e First Citizens udhëhoqi një investim prej 283 milionë dollarësh në formën e një “kredie të gjelbër”. Ky investim mbështet zhvillimin e forcës së punës dhe energjisë rinovuese. 184 milionë dollarë erdhën nga KeyState Renewables, e cila koordinon investimet nga disa banka rajonale. Këto investime do të financojnë 101 projekte diellore dhe mbi 100 megavatë energji. Investime të tjera erdhën nga Prologis dhe Walmart. Prologis njoftoi një marrëveshje për zhvillimin e projekteve diellore në 30 milionë këmbë katrorë çatia komerciale. Walmart njoftoi investime në 74 projekte diellore për komunitetin në Maryland dhe Illinois. Keegan thotë se po punojnë së bashku për të regjistruar punonjësit e Walmart në abonime diellore për komunitetin.
Lexo edhe: Apple dhe Sony po shtojnë mbështetje për PSVR 2 në Vision Pro
Solar Landscape gjithashtu bëri të ditur se kishte marrë me qira 40 milionë këmbë katrorë çatia komerciale në SHBA. Kjo do të ofrojë energji për 80,000 shtëpi.
Keegan thotë se këto arritje demonstrojnë “një transformim të plotë” të sektorit diellor. Ai beson se mundësitë për kompanitë komerciale dhe industriale diellore janë të mëdha në përballimin e kërkesës në rritje të energjisë. Kjo rritje lidhet me inteligjencën artificiale dhe qendrat e të dhënave.
“Pikërisht, projektet e çative janë një përshtatje perfekte për krizën e energjisë,” thotë ai. “Kjo është e ardhmja e rrjetit: nga një sistem i centralizuar, ku energjia dorëzohet përmes kabllove të mëdhenj, në një prodhim të shpërndarë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
