Unioni Turistik Shqiptar i ka dërguar një letër Kryeministrit, ku kërkon të vlerësohet mundësia e lehtësimit të kufizimeve të lëvizjes për t’i ardhur në ndihmë industrisë së turizmit.
Duke ftuar të ecet në hapat e fqinjëve si Greqia, apo Mali i Zi, Unioni Turistik thekson në letër se mos hapja e plazheve dhe mbyllja e kufijve rajonalë për lëvizjen tokësore është një problem që duhet të shihet me kujdes. Sipas tyre, Greqia ka hapur plazhet nga 4 Maj dhe Mali i Zi po përgatiet t’i hapë në 18 maj. Sipas kësaj letre, se vetëm 10 për qind e hoteleve janë hapur.
Unioni ka theksuar se nuk po i drejtohen Kryeministrit për ndihmë financiare, por krijimin e mundësive për të zhvilluar aktivitet në formë të kujdesur.
Lehtësimet i kërkojnë së paku nga 18 Maji, si për hapjen e plazheve edhe për hapjen e kufijve.
Ata theksojnë në letër se, “Ne nuk duam të krijojmë panik, por aktualisht të giithë subjektet që ushtrojnë veprimtari turistike kanë një rënie nga 90-100% të të ardhurave mujore dhe në qoftë se nuk do të merren masa të shpejta, pritet qe së ‘shpejti rreth 70% e të punësuarve në këtë sektor do të humbasin përfumdimisht vendet e punës dhe pandemia shëndetësore do të shëndrrohet në pandemi ekonomike dhe sociale”.
Unioni vëren se operatorët turistikë, më të cilët është rënë dakord më parë, janë të gatshëm të sjellin turistët në forma të organizuara duke nisur nga 1 Qershori. Ata thonë se, “partnerët tanë ndërkombetarë që operojnë me fluturime charter në Shqipëri, të cilat kanë parapaguar hotelet sipas kontratave të garancisë, janë të gatshëm që të ulin charterat e tyre në aeroportin e Rinasit duke filluar që nga data 1 qershor”. thuhet në letër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
