Tatimi mbi Vlerën e Shtuar tek libri kthehet pas 23 vitesh. Vendimi i marrë nga Kuvend i Shqipërisë ka futur në një amulli tregtimin e librave në vend.
Me një vendim është përfshirë libri në nenin që parashikon produktet me TVSH.
Albert Gjoka, Menaxher pranë Bukinisit thotë se më shumë se ulje të shitjeve, ka një kaos në tregun e librit. Për shkak të mungesës së udhëzimit, botuesit po gjenden para pyetjes nëse TVSH aplikohet për botimet e vitit 2019 e në vijim apo për të gjithë librat e botuar edhe më parë, ende të pa shitura.
Lexo: 4 librat më të kërkuar të biznesit dhe zhvillimit personal në Panairin e Librit 2018, Tiranë
Me ndryshimet e publikuara tashmë në fletorën zyrtare, ligji i ri, e ka hequr librin nga lista e mallrave të përjashtuar që parashikohen në nenin 53. Tashmë libri është pjesë e nenit 49, pjesë e mallrave me TVSH të reduktuar (6%).
Gjoka thotë se, ne kemi bërë një ankesë në këtë drejtim, ende pa një përgjigje konkrete.
TVSH vjen ndërkohë që Shoqata e Botuesve të Shqipërisë, prej vitesh kërkon që TVSH zero të jetë jo vetëm për shitjen e librave, por edhe për furnizimet që mundësojnë prodhimin të librit.
Aktualisht, prodhimi i librit në shtypshkronjë paguhet me TVSH 20%. Ndërkohë që sipas tatimeve, në shitje libri do të ketë një TVSH 6%.
Lexo: Librat më të mirë për të lexuar në këtë periudhë sipas Bukinist
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
