Prodhuesi tajvanez i çipave TSMC tha se është në komunikim me Uashingtonin zyrtar në lidhje me “udhëzimin” e saj për një ligj i cili është dizajnuar për rritjen e prodhimit të gjysmëpërçuesve në SHBA, ligj ky i cili ka ndezur një debat për kriteret e subvencionimit.
Kushtet për subvencione përfshijnë shpërndarjen e fitimit të tepërt me qeverinë amerikane, dhe burime nga industria kanë bërë të ditur se vet procesi i aplikimit mund të ekspozojë strategji konfidenciale të korporatave.
“Mund të konfirmojmë se jemi duke komunikuar me qeverinë amerikane në lidhje me udhëzimin e Aktit të Çipave”, tha TSMC, prodhuesi lider në botë i çipave me kontratë nëpërmjet një deklarate të dërguar me e-mail.
Presidenti i Koresë së Jugut, Yoon Suk Yeol, muajin e kaluar deklaroi se këto kritere po i shqetësojnë disa kompani prodhuese sikurse Samsung Electronics dhe SK Hynix.
lexo: Tesla po ndërton fabrikë të re në Kinë?
Wang Mei-hua, ministrja tajvanez për ekonomi, gjatë së hënës reporterëve u tha se TSMC ishte duke mbajtur bisedime në mënyrë specifike me Shtetet e Bashkuara në lidhje me detajet e subvencionimit.
“Qeveria dhe industria e Tajvanit kanë një kuptim shumë të ngushtë në lidhje me atë që po ndodh, dhe shpresojnë që detajet e legjislacionit përkatës të subvencioneve nuk do të ndikojnë në bashkëpunimin industrial midis dy palëve dhe tek kostot për ndërtimin e që lidhet me industrinë,” deklaroi ajo.
lexo: Struktura e re e pagave, efekti në buxhet 38 miliardë lekë
Taiwan Semiconductor Manufacturing (TSMC), është duke e bërë një investim prej 40 miliardë dollarëve në shtetin perëndimor amerikan të Arizonës, duke i mbështetur kështu planet e Uashingtonit për prodhimin e më shumë çipave në Amerikë. reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
