“Tryezë Për Një”, njihuni me restorantin më të sigurt nga COVID-19

“Tryezë Për Një”, njihuni me restorantin më të sigurt nga COVID-19

Tryezë Për Një

“Tryezë për një” (Bord For En), quhet restoranti më i sigurt nga Covid-19, i hapur nga një çift në Suedi, që priti klientin e tij të parë më 10 Maj. Restoranti ka vetëm një karrige e tryezë, ai gjendet në mes të një livadhi e nuk ka kamarierë. Ushqimi shkon nga dritarja e kuzhinës në tryezën e klientit, përmes një shporte, që lëviz me litar.

Rasmus Persson dhe partnerja e tij Linda Karlsson, janë çifti që ideoi këtë koncept unik. Ata sapo janë zhvendosur në Ransater, 350 kilometra në perëndim të Stokholmit dhe menduan të hapnin një restorant të tillë, pas një vizite të prindërve të Lindës në muajin mars. Ata u përgatitën atyre ushqim në ambient të hapur për t’i mbrojtur nga virusi dhe u shërbyen nga dritarja.

Ata thonë se nuk do të lejojnë as spektatorët: “Ne duam të shmangim ndjenjën e vëzhgimit ndërsa ju hani ushqimin tuaj. Të gjithë jemi duke kaluar kohë të vështira dhe ka njerëz që kanë humbur punën apo të dashurit e tyre”.

Restoranti është i prenotuar për të gjithë majin, ndërsa për qershorin dhe korrikun kanë mbetur vetëm pak vende. Çifti thotë se ka marrë masa mbrojtëse edhe për ditët e shiut. Sa i përket çmimit të ushqimit, janë vetë klientët që vendosin se sa do të paguajnë.  “Ne i mirëpresim të gjithë, pa marrë parasysh se në cilën situatë financiare gjendeni. Çmimi i menusë varet nga i ftuari”, thotë Karlsson, i cili së bashku me Persson kanë përvojë në industrinë e mikpritjes.

Në shumë qytete ndërkombëtare, ngrënia vetëm, qoftë në bar apo në qoshe restorantesh, nuk është vetëm e pranueshme, por edhe konsiderohet si diçka normale.

Megjithatë, jo të gjitha restorantet kanë përqafuar praktikën e të ngrënit ushqim vetëm. Karlsson është optimist që Tryezë Për Një do të zvogëlojë më tej çdo shqetësim të darkës solo: “Kam pasur një ëndërr, që darkimi vetëm të ishte i pranueshëm nga shoqëria dhe mbase tani ne po e arrijmë këtë?”

“Imazhi i thjeshtë i karriges dhe tryezës është një thirrje për përvoja solo.”

CNN Travel

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndërto diçka që njerëzit e duan dhe gjithçka tjetër do të vijë vetvetiu.”
— Paul Graham
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0