Trajnimet e punonjësve, mundësi për punësim afatgjatë. Intervistë me Rigers Rusi, Administator i Albpastrim dhe sipërmarrës pranë AlbAcademy


Nuk është mes përvojave të para, por mes atyre më interesante se si nevoja për punonjës të kualifikuar kthehet në biznes. Kompania Albpastrim e nisi aktivitetin 10 vite më parë me shërbime pastrimi. Zgjerimi i shërbimeve edhe në hoteleri-turizëm, theksoi nevojën për punonjës profesionistë. Trajnimet e para nisën brenda kompanisë ndërsa lindi nevoja për të formuar edhe punonjës të klientëve të tyre.

Rigers Rusi, Administrator i Albpastrim dhe bashkëthemelues i AlbAcademy, thotë se trajnimi i stafit krahas rritjes së cilësisë, mundëson një qëndrim më gjatë në punë, një nga nevojat më të rëndësishme të kompanive sot.

Lexo intervistën me Rigers Rusi, Administrator i Albpastrim dhe sipërmarrës pranë AlbAcademy

Cilat janë trajnimet që ofroni, për të cilat jeni të certifikuar?

Akademia jonë është e përbërë nga tre departamente kryesore, si Zhvillim Biznesi, Hoteleri-Turizëm dhe Shërbime.

Stafi i kualifikuar, programet dhe sistemi ynë i mësimdhënies kombinohet më së miri me praktikën në biznesin tonë, si edhe me praktikën profesionale intensive pranë kompanive partnere. I kushtojmë rëndësi të madhe cilësisë së shërbimeve që ofrojmë si dhe mbështesim fort të gjithë kursantët tanë për t’i punësuar brenda dhe jashtë vendit, nëpërmjet zyrës së punësimit. Qëllimet tona janë që të bashkëpunojmë për të vlerësuar, parashikuar, zhvilluar dhe ekzekutuar trajnime që rrisin produktivitetin, përmirësojnë performancën dhe frymëzojë fokusimin e vazhdueshëm në përsosmëri përmes një game të gjerë zgjidhjesh mësimore.

Cilat janë trajnimet që po zhvilloni aktualisht?

Duke qenë se fusha e Hoteleri-Turizmit është mjaft e gjerë dhe sa vjen po zgjerohet akoma më shumë, aktualisht jemi fokusuar në këtë fushë, duke zhvilluar konsulencë të hoteleve të standardeve bashkëkohore dhe trajnime afatshkurtra. Zhvillimi i punonjësve dhe përmirësimi i proceseve, është një avantazh konkurrues dhe domosdoshmëri strategjike në kohërat ekonomike sfiduese të sotme. Le të ndihmojmë organizatat duke ndihmuar maksimizimin e burimit tuaj më të rëndësishëm: NJERËZIT TUAJ! Ne marrim një qasje bashkëpunuese për krijimin e një strategjie trajnimi të përshtatur për suksesin. Nëse investojmë në trajnimin e punonjësve tanë, kjo e bën shumë më të lehtë për të gjithë ne që të arrijmë objektivat që kemi vendosur.

Cili është reagimi i punonjësve?

Punonjësit e Albpastrimit sigurisht që në fillimet e AlbAcademy e kanë mirëpritur së pari, sepse po merrnin një trajnim të mirfilltë përpara se të fillonin punë diku, por dhe sepse në shumë trajnime që kemi bërë në rrethe, në orët e praktikës ne kemi marrë nga stafi ynë në mënyrë që të jepnin orën e praktikës në kursin e Housekeeping. Kjo i ka motivuar dhe ndihmuar të zhvillohen më shumë.

Pse mendon se një i ri duhet të angazhohet në fushën e shërbimeve edhe atyre të hotelerisë?

Hoteleri – Turizmi sa vjen dhe po zgjerohet akoma më shumë. Po përmend pesë arsye pse mendoj se një i ri, do të bënte zgjedhjen e duhur nëse do të zgjidhte këtë fushë:

  1. Sektori i hoteleve po vazhdon të rritet me shpejtësi të madhe duke nxitur kështu rritjen ekonomike.
  2. Mikpritja, udhëtimi dhe turizmi ofrojnë punë me cilësi të lartë për të rinjtë në vendet në zhvillim.
  3. Të rinjtë që shohin një rrugë karriere mund të ndërtojnë komunitetet e tyre.
  4. Kompanitë që investojnë tek të rinjtë dhe në qëndrueshmëri i plotësojnë nevojat e biznesit të tyre sot dhe për të ardhmen.
  5. Industria e mikpritjes është më shumë sesa një partner financimi.

Lexo: Valbona Begolli: Ndiq pasionin në biznes. Historia e sipërmarrëses që ka 3 fëmijë dhe 3 biznese

Çfarë do t’u thoje të rinjve për t’i motivuar?

Kur vjen puna te karriera juaj, pra për të nisur diçka nga e para, duket sikur duhet të përdorni të gjitha këshillat që mund të merrni nga çdokush. Për të zgjedhur atë të vërtetën, duke shkëlqyer, sigurisht që ka shumë për të mësuar. Të gjithë e kemi nisur nga fillimi, pra nga diçka. Unë mund t’ju them që duhet të bëni atë që dëshironi vërtet. Karriera ose puna më e mirë është ajo në të cilën jeni duke përdorur aftësitë që pëlqeni. Por, jo çdo punë duhet të adresojë të gjitha pasionet tuaja. Çdo eksperiencë që keni fituar në punë përdoreni si një mundësi për të mësuar diçka të re dhe për të mbajtur një mendje të hapur. Në këtë moment, ju mund të kuptoni se me të vërtetë keni aftësi në diçka që nuk keni imagjinuar ndonjëherë për veten tuaj.

AlbAcademy lindi si nevojë e kompanisë tuaj të parë? Përse ky interes?

Kompania e parë Albpastrim, e themeluar që në vitin 2011, përfshinte përveç shërbimeve edhe shitjen e produkteve dhe materialeve të pastrimit, si dhe trajnime në fushën e Hoteleri –Turizmit. Duke parë që biznesi po zgjerohej në të treja fushat, si dhe interesin ndaj trajnimeve në fushën e hoteleri-turizmit, menduam se do ishte më mirë të operonin secila më vete. Tashmë secila operon e ndarë: Albpastrim-shërbime, AlbSolution në shitje dhe së fundi AlbAcademy, e cila ka filluar veprimtarinë e saj në trajnimet afatshkurta profesionale të stafit si dhe me trajnime, kurse dhe konsulencë në sektorin Hoteleri–Turizëm.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale