Top 10 vendet në Indeksin Global të Inovacionit, mes tyre dhe Izraeli » Business Magazine Albania – Media Dixhitale dedikuar Sipërmarrjes
Përditësuar së fundmi: 29/07/2019

Top 10 vendet në Indeksin Global të Inovacionit, mes tyre dhe Izraeli

Share
nga Anerola Torollari
Kor 29, 2019
Studied at Faculty of Science, Content Editor Biznesi at Business Magazine
lexo me teper >

Zvicra kryeson edhe këtë vit duke qenë vendi më inovativ në botë, pasuar nga Suedia në vendin e dytë, SHBA në vendin e tretë, Hollanda, Mbretëria e Bashkuar, Finlanda, Danimarka, Singapori dhe Gjermania dhe në fund Izraeli.

Sipas raportit më të fundit të Global Innovation Index, Izraeli renditet për herë të parë në Top 10, si vendi i 10 më inovativ në botë, me një rezultat prej 56.43, nga 100 në total.

Shteti hebre udhëheq botën në kërkimin e talenteve dhe në invetime në Kërkim&Zhvillim. Kjo renditje bazohet në 80 kritere që matin aspekte të ndryshme të inovacionit. Në dy vitet paardhëse Izraeli ka qenë në 20 vendet e para, por pa kaluar në top 10.

Lexoni: Shqipëria, e fundit në Europë për inovacion

Shteti hebre u rendit i 11-ti në 2018, 17 në 2017, 21 në 2016 dhe 22 në 2015. Nga të dhënat në 4 vitet e fundit, 2019 është viti i artë për të, duke u bërë pjesë e listës top 10.

Indeksi vjetor global i inovacionit – i përpiluar nga Organizata Botërore e Pronësisë Intelektuale, Universiteti Cornell dhe INSEAD – rendit 129 ekonomi botërore në 80 parametra duke përfshirë kërkimin, teknologjinë dhe kreativitetin.

Një tregues tjetër në të cilin shteti hebre qëndron në krye është sofistikimi i biznesit, i vlerësuar me 66.5 pikë, duke e renditur atë në vendin e tretë në botë.

Renditja e tij në vendin e 10 përbëhet edhe nga indikatorë të tjerë si në investimet në Kërkim&Zhvillim, redaktim të Wikipedia, krijimin e aplikacioneve mobile, eksportet e shërbimeve IT etj.

Për të mësuar më shumë rreth klasifikimit të Izraelit klikoni:

https://www.wipo.int/edocs/pubdocs/en/wipo_pub_gii_2019/il.pdf