Shqipëria, e fundit në Europë për inovacion


Organizata Botërore e Pronësisë Intelektuale (WIPO) ka nxjerrë Indeksin e Inovacionit Global për vitin 2019, i cili vlerëson nivelet e inovacionit në 129 vende dhe ekonomi.

Shqipëria mban vendin e 83 nga 129 në total, si dhe renditet e fundit në Europë, duke qenë poshtë Maqedonisë, Serbisë, Bosnjës dhe Malit të Zi.

Sipas raportit GII 2019 kriteret që merren parasysh në këtë renditje janë situata e institucioneve në Shqipëri, siç janë mjedisi politik, situata rregullatore si dhe mjedisi i biznesit se sa e lehtë është në nisësh dhe mirëmbash një biznes. Shqipëria në këtë kriter është vlerësuar me 65.8 pikë. Një kriter tjetër që është vlerësuar me 22.7 pikë është kërkimi dhe kapitali njerëzor, ku përfshihet edukimi, kërkimi dhe zhvillimi. Kritere të tjera janë infrastruktura (teknologjia e informacionit dhe komunikimit, infrastruktura e përgjithshme dhe qëndrueshmëria ekologjike) e vlerësuar me 46.2 pikë. Sofistikimi i tregut (investimet, tregtia, shkallëzimi i tregut, financat) më një vlerësim prej 53.4 pikësh. Sofistikimi i biznesit (njohuria punëtore, inovacioni, absorbimi i njohurive) me 24 pikë. Njohuritë & produktet teknologjike (ndërtimi i njohurive, ndikimi i dijes, dialogu i dijeve) i vlerësuar me 12.2 pikë dhe e fundit por jo më pak e rëndësishme janë produktet kreative (asetet jo-materiale, mallrat dhe shërbimet krijuese, krijimtaria online) me 24.4 pikë.

Listën e kryeson Zvicra, duke u renditur si vendi më inovativ në botë i ndjekur nga Suedia, SHBA, Hollanda dhe Mbretëria e Bashkuar sipas GII 2019.

Në një mori kriteresh, duke filluar nga sofistikimi i biznesit deri te nivelet e shpenzimeve të arsimit dhe prodhimit krijues, indeksi i këtij viti ka zbuluar se inovacioni po lulëzon përkundër ngadalësimit ekonomik botëror, veçanërisht në Azi. Në përgjithësi, Zvicra kryeson renditjen e vitit 2019 me një rezultat prej 67.24 nga 100.

Këtë vit, vendet më të ulëta në indeks janë Nigeria (18.13), Burundi (17.65) dhe Jemeni (14.49).

Për më shumë informacion rreth renditjes së Shqipërisë klikoni në linkun: Indeks-Shqipëria

Raportin e plotë të GII 2019 mund ta lexoni në linkun: gii-full-report-2019

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale