Tom Goodwin, kreu për inovacionin në Zenith Media dhe autori i Darvinizmi Dixhital, është folësi i radhës në Spark.me 2019 - Business Magazine Albania

Tom Goodwin, kreu për inovacionin në Zenith Media dhe autori i Darvinizmi Dixhital, është folësi i radhës në Spark.me 2019


Tom Goodwin është folësi i radhës në konferencën Spark.me, që do të zhvillohet në datat 25-26 Maj, në Tivat, Mal i Zi. Tom është zëvendës-president dhe kreu i inovacionit pranë Zenith Media, një nga agjencitë më të mëdha të medias në botë, ku ai ka për detyrë t’u paraprijë trendeve të reklamimit.

Pozicioni i tij kërkon që ai të kuptojë teknologjinë, sjelljet dhe platformat e reja dhe të parashikojë dhe të zbatojë zgjidhje për klientët që përfitojnë nga këto mundësi të reja. Një zëdhënës i industrisë, folës kryesor dhe komentator për të ardhmen e reklamimit, marketingut dhe biznesit, Tom është cituar në The Economist dhe New York Times. Ai është gjithashtu autor i Darvinizmi Dixhital. Në këtë libër, ai përshkruan supozimet e gabuara që bota e biznesit bën për botën “dixhitale”, harton strategji specifike për të çuar drejt transformimit të vërtetë dhe përshkruan ide dhe zgjidhje për kompanitë ambicioze që duan të përgatiten për të ardhmen dhe të kuptojnë atë që po vjen.

Lexoni: Peter Shankman, autori bestseller, eksperti i shërbimit ndaj klientit dhe sipërmarrësi serial është folësi më i ri në Spark.me 2019

Tom është votuar dy herë si Zëri #1 në Marketing dhe Social Media në LinkedIn. Ai u emërua “një nga 30 personat që duhet të ndiqni në Twitter” nga Business Insider dhe Fast Company. Tom ka kontribuar, ndër të tjera, për Guardian, TechCrunch, Forbes, AdAge, Adweek, Marketing Week, Inc, Digiday dhe Forumin Ekonomik Botëror.

Deri më tani Spark.me ka njoftuar pjesëmarrjen e 4 folësve – Anab Jain (folës në TED, dizajner, producent dhe bashkëthemelues i Superflux – një kompani inovacioni për dizajn dhe teknologji), Peter Shankman (5 herë autor bestseller, ekspert i shërbimit ndaj klientit dhe sipërmarrës serial. New York Time e ka quajtur “një rockstar që di gjithçka për mediat sociale.”), Jeremiah Owyang (një partner themelues i Kaleido Insights dhe Disruptive Technology Expert, i cili konsiderohet autoriteti më i madh në programet e inovacionit të korporatave) dhe Cate Murden (themeluese e PUSH, një biznes konsulence e bazuar në sjelljen njerëzore). Folës të tjerë do të publikohen në vazhdim në faqen e Business Magazine Albania.

Biletat e Spark.me janë në dispozicion në faqen zyrtare të konferencës www.spark.me. Studentët e shkollave të mesme, studentët në universitet, në studime pasuniversitare dhe PhD, të cilët janë deri në 27 vjeç mund të marrin biletën e tyre për çmimin special 50 €.

Çmimi i plotë i biletës është 300 €. Megjithatë, të gjitha palët e interesuara mund të përfitojnë nga ulja e çmimit të biletave dhe ta marrin atë për vetëm 250 €, deri në datën 14 Maj.

Lexoni: Spark.me 2019 hap thirrjet për aplikime për Konkursin e Startup-ve

Spark.me, një nga konferencat më të kuruara të biznesit/internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivarit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0