Peter Shankman, autori bestseller, eksperti i shërbimit ndaj klientit dhe sipërmarrësi serial është folësi më i ri në Spark.me 2019 - Business Magazine Albania

Peter Shankman, autori bestseller, eksperti i shërbimit ndaj klientit dhe sipërmarrësi serial është folësi më i ri në Spark.me 2019


Peter Shankman është folësi i radhës në konferencën Spark.me, që do të zhvillohen në datat 25-26 Maj, në Tivat, Mal i Zi. Peter është shpallur pesë herë autor bestseller, është ekspert i shërbimit ndaj klientit dhe sipërmarrës serial.

New York Times e ka quajtur Peter “një rockstar që di gjithçka për mediat sociale.” Ai është i njohur për mënyrat e reja radikale të të menduarit rreth ekonomisë së konsumatorit, ndan konceptet praktike dhe idetë se si rritja ekonomike në 50 vitet e ardhshme do të udhëhiqet nga eksperienca e konsumatorit. Peter gjithashtu përdor  platformën e tij për të folur për ekonominë e re neurodiverse. Ka filluar podcastin numër një të internetit në ADHD (Attention Deficit Hyperactivity Disorder) – Faster than Normal, duke u fokusuar në superfuqitë dhe dhuratat e një “truri më të shpejtë se normalja”, që ka ndihmuar mijëra njerëz në mbarë botën të kuptojnë se të paturit e një truri neuroatipik është në të vërtetë një dhuratë, jo një mallkim.

Lexoni: “Pse dua të marrë pjesë në Spark.me?” Hapet thirrja për blogger të konferencës

Peter është një sipërmarrës serial me tre startup-e të lançuara, ndër të cilat edhe Help A Reporter Out (HARO), e cila u bë standard për mijëra gazetarë që kërkonin burime para se merrnin fitime. Ai është gjithashtu drejtues i Rrjetit ShankMinds Breakthrough, një grup elitar i liderëve të mendimit online, ekspertë biznesi, etj. Peter është një Ironman triathlete dhe një skydiver i liçencuar.

Deri më tani Spark.me ka njoftuar pjesëmarrjen e tre folësve – Anab Jain (folës, dizajner, producent dhe bashkëthemelues i Superflux – një kompani inovacioni për dizajn dhe teknologji), Jeremiah Owyang (një partner themelues i Kaleido Insights dhe Disruptive Technology Expert, i cili konsiderohet autoriteti më i madh në programet e inovacionit të korporatave) dhe Cate Murden (themeluese e PUSH, një biznes konsulence e bazuar në sjelljen njerëzore). Folës të tjerë do të publikohen në vazhdim në faqen e Business Magazine Albania.

Biletat e Spark.me janë në dispozicion në faqen zyrtare të konferencës www.spark.me. Studentët e shkollave të mesme, studentët në universitet, në studime pasuniversitare dhe PhD, të cilët janë deri në 27 vjeç mund të marrin biletën e tyre për çmimin special 50 €.

Çmimi i plotë i biletës është 300 €. Megjithatë, të gjitha palët e interesuara mund të përfitojnë nga ulja e çmimit të biletave dhe ta marrin atë për vetëm 200 €, deri në datën 21 Prill.

Lexoni: Spark.me 2019 hap thirrjet për aplikime për Konkursin e Startup-ve

Spark.me, një nga konferencat më të kuruara të biznesit/internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivarit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0