Thënie për suksesin nga CEO me influencë


Në biznes, motivimi dhe eksperienca shpesh çojnë në urtësi dhe sukses. Me nëntë nga 10 biznese që dështojnë në vitin e parë, është pothuajse e natyrshme për themeluesit dhe CEO-t që të bëjnë gjithçka për të përmirësuar performancën e tyre.

Lexoni: ‘Unë jam si një karikaturë e vetes’… Këto janë disa nga thëniet e ikonës Karl Lagerfeld

Një mënyrë e mirë që çdo sipërmarrës të përmirësojë shanset për t’u bërë një sukses është studimi i zakoneve dhe shqyrtimi i këshillave të dhëna nga themelues të tjerë të suksesshëm dhe CEO.

BusinessMag në këtë artikull ju sjell disa nga thëniat dhe këshillat e CEO-ve me background të ndryshëm.

“Duhen 20 vjet për të ndërtuar një reputacion dhe pesë minuta për ta rrënuar atë. Nëse mendoni kështu, ju do t’i bëni gjërat ndryshe”, – Warren Buffett, CEO i Berkshire Hathaway.

“Për mua, biznesi nuk ka të bëjë me veshjen e kostumeve apo të kënaqësh aksionerët. Ka të bëjë me të qenit i vërtetë me veten tuaj, idetë tuaja dhe të përqëndroheni në gjërat thelbësore“, – Richard Branson, CEO i Virgin Group.

“Ndiqni vizionin, jo paratë; paratë do të ndalojnë së ndjekuri ju”, – Tony Hsieh, CEO i Zappos.

“Puna juaj do të plotësojë një pjesë të madhe të jetës tuaj dhe mënyra e vetme për të qenë vërtetë të kënaqur është të bëni atë që besoni. E vetmja mënyrë për të bërë punë të mira është që ta doni atë që bëni”, – Steve Jobs, Bashkë-themelues i Apple.

“Mos u shqetësoni për dështimin; ju duhet të keni të drejtë vetëm një herë”, – Drew Houston, CEO i Dropbox.

“Pyetja që i bëj vetes pothuajse çdo ditë është, ‘A po bëj gjënë më të rëndësishme që mund të bëj?’ … Po të mos mendoj se po punoj me problemin më të rëndësishëm me të cilin duhet të punoj, atëherë unë nuk do të ndihem mirë në lidhje me mënyrën se si po shpenzoj kohën time. Kjo është ajo që bëj me Facebook”, – Mark Zuckerberg, CEO i Facebook.

“Pritshmëritë e larta janë absolutisht çelësi i çdo gjëje”, – Sam Walton, Themelues i WalMart.

“Pa pasion, ju nuk keni energji dhe pa energji, ju thjesht nuk keni asgjë”, – Donald Trump, CEO i Organizatës Trump.

“Rregulli nr. 1: Asnjëherë mos humbisni para; Rregulli nr. 2: Mos harroni Rregullin nr. 1.” – Warren Buffet, Drejtor i Përgjithshëm i Berkshire Hathaway.

“Askush nuk mund të jetë i suksesshëm, përveç atij që së pari dashuron punën e tij”, – David Sarnoff, Drejtor i Përgjithshëm i RCA.

“Nuk ka të bëjë me një ndarje specifike të kohës; si jeta personale ashtu edhe ajo profesionale janë 24/7. Është thjesht, prioriteti i duhur për secilën dhe të pranosh se do të jetë ndryshe çdo ditë”, – Ellen Kullman, CEO e Dupont.

“Ju nuk keni nevojë të jeni gjeni, vizionar, apo i diplomuar që të jeni i suksesshëm. Ju duhet vetëm një plan dhe një ëndërr”, – Michael Dell, CEO i DELL

“Zemra dhe shpirti i një kompanie janë kreativiteti dhe inovacioni”, – Robert Iger, CEO i Walt Disney.

“Duhet të jeni shumë të shkathët dhe mendje hapur. Suksesi juaj do të jetë shumë i varur nga mënyra se si përshtateni.” – Jeremy Stoppelman, CEO i Yelp.

Lexoni: Thënie mbi dashurinë, jetën dhe paqen nga John Lennon

burimi: business.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale