Tërmeti e COVID-19 “fundosin” hotelet, sipërfaqja e dhënë për leje ndërtimi ra me 96% - Business Magazine Albania

Tërmeti e COVID-19 “fundosin” hotelet, sipërfaqja e dhënë për leje ndërtimi ra me 96%

Sipërfaqja e dhënë për leje ndërtimi për hotele dhe të ngjashme për 6 mujorin e parë të vitit ka rënë me 96.4% në raport me janar-qershor të një viti më parë. Të dhënat zyrtare nga Instituti i Statistikave tregojnë se kjo sipërfaqe ishte saktësisht 11 559 metra2 teksa një vit më parë për të njëjtën periudhë ishte rreth 311 mijë m2.

Rënia e sipërfaqes së dhënë për leje ndërtimi për objekte me destinacion hotelerinë ishte e dukshme që në tremujorin e parë kur nga janari në mars ishin dhënë vetëm 4290 m2 ndërsa një vit më parë ishte mbi 285 mijë m2. Kjo rënie lidhet me situatën e krijuar nga tërmeti shkatërrues i 26 nëntorit ndërkohë që tkurrje në rënie në raport me një vit më parë ishte edhe tremujori i dytë i këtij viti dhe që reflekton situatën e krijuar nga pandemia e COVID-19. Të dy këto fenomene kanë frenuar disi ndërtimin por pa e ndalur atë sikurse ndodhi në përgjithësi në sektorët e tjerë të ekonomisë.

Investimi në struktura akomoduese ka nisur të ketë një rritje graduale qysh nga viti 2017 që shënon edhe vitin e parë kur nisi “boom”-i turistik i Shqipërisë lidhur me turizmin e organizuar kryesisht në zonën e Golemit dhe më pak në Sarandë. Rritja e numrit të turistëve vit pas viti bëri që të rritet në mënyrë të vazhdueshme sipërfaqja e lejeve të dhëna për ndërtim hotelesh dhe të ngjashme, teksa bizneset në përgjigje të kërkesës, nxituar që të rrisnin kapacitetet e tyre hoteliere.

Sipas INSTAT në vitin 2017 kjo sipërfaqe ishte 89 mijë m2 ndërsa në vitin 2018 122 m2. Rekordi i lejeve të dhëna me këtë orientim ishte 419 mijë m2. Kjo rritje në 2019-n erdhi në një kohë kur janë dhënë një sërë lejesh për fshatra e resorte turistikë dhe hotele nën emra “brand” në kryeqytet. Aktualisht në Tiranë pranë Arenës Kombëtare është njoftuar vendosja e brandit “Mariott” në kullën pranë tij teksa edhe hotele të tjera si Hyatt që ka  nënshkruar një marrëveshje me kompaninë Kastrati apo Melia që pritet të marrë nën menaxhim investimin “San Pietro” në Gjirin e Lalzit janë bërë pjesë të tregut shqiptar.

Një tjetër markë ndërkombëtare si AÇOR njoftoi se do të ishte pjesë e tregut shqiptar përmes një partneri me Bolv Oil Group në fund të vitit të shkuar. Struktura akomoduese do të vijë nën emrin Novotel dhe pritej sipas deklaratave të para që të hapej në vitin 2021. Vitin e kalua, Shqipërinë e vizitoi një numër rekord të huajsh prej më shumë se 6 milionë personash. Por këtë vit, hyrjet e të huajve kanë rënë ndjeshëm si rrjedhojë e situatës së krijuar nga koronavirusi.

MONITOR

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0