Tendencat globale të reklamave - Tre çështjet kryesore të vitit 2019 - Business Magazine Albania

Tendencat globale të reklamave – Tre çështjet kryesore të vitit 2019


Privatësia dhe siguria e markës në një botë programatike, ngadalësimi në rritjen e mediave sociale dhe potenciali reklamues i ofruar nga lojërat dhe podcast-et janë tre temat kryesore që dalin nga një analizë e lexueshmërisë në të gjitha raportet e Global Advertising Trends të këtij viti.

James McDonald, Editori Menaxhues pranë WARC Data dhe autor i hulumtimit, thotë: “Ndërsa viti 2019 mbetet pas dhe ne shikojmë përpara në 2020, për raportin tonë të fundit Global Ad Trends të vitit, ne kemi shqyrtuar të gjitha të dhënat e publikuara përgjatë 2019 për të nxjerrë një pasqyrë mbi temat dhe fushat kryesore për praktikuesit e tyre.”

“Raporti është një pikë fillese e mirë për të ndihmuar markat dhe agjencitë të përgatiten për vitin e ardhshëm.”

Lexoni: P&G përgatitet për ‘një botë pa reklama’

Privatësia dhe siguria e markës në një botë programatike

Ndërgjegjësimi i konsumatorit kundrejt përdorimit të të dhënave ka qenë një ndër temat kryesore këtë vit. Hulumtimet tregojnë se shumë konsumatorë kanë ndërmarrë hapa për të kufizuar gjurmët e tyre online për arsye të shqetësimeve të lindura rreth shpërdorimit të të dhënave, me 44% duke zvogëluar sasinë e të dhënave që ata ndajnë online dhe mbi 27% duke vendosur një bllokues reklamash.

Çështjet e privatësisë së të dhënave janë vërejtur nga praktikuesit dhe nga hulumtimet thuhet se dispozitat rreth mbrojtjes së të dhënave tani janë në fuqi, megjithëse ka akoma shumë për të bërë – 14% nuk ​​kanë strategji për mbrojtjen e të dhënave, duke u rritur në 23 % në Azi.

Një problem i vazhdueshëm është se si këto të dhëna informojnë blerjen e reklamave, veçanërisht në mënyrë programatike dhe është evidentuar se reklamat teknologjike ende kanë punë për të përmbushur potencialin e tyre. Shqetësimet për sigurinë e markës, kontekstin dhe efektet negative nuk janë larguar.

Privatësia do të vazhdojë të jetë në rendin e ditës për vitin 2020, jo vetëm për shkak të prezantimit të Aktit të Privatësisë së Konsumatorëve në Kaliforni (CCPA), por edhe shfletuesit kanë filluar të marrin një epërsi mbi këtë çështje. Reklamimi kontekstual (bazuar në informacione jo personale) është një përgjigje për këtë.

Frenimi social

Në edicionin e qershorit të Global Trends të WARC, u zbulua se rritja e reklamave në sektorin social dhe mesazhet ishin përgjysmuar gjatë vitit. WARC’s Marketer’s Toolkit zbulon se një në pesë marketerë kanë ndërmend të ulin shpenzimet në Facebook në vitin 2020, Twitter dhe Snap gjithashtu përballen me perspektivën e rritjes së të ardhurave të heshtura. Ky mund të jetë një sinjal për ndryshim ku; Amerikanët e moshës 13 deri në 16 vjeç tashmë përdorin TikTok më shumë sesa Facebook dhe Twitter.

Ky ndryshim vjen në një kohë kur besimi në informacionin e mediave sociale arriti kulmin e uljes dhe bën thirrje për rregulla më të mëdha për kompanitë teknologjike dhe mediat sociale. Nivelet më të larta të mosbesimit janë regjistruar në Britaninë e Madhe (83%), Suedi (81%) dhe Francë (79%). ShBA është vendosur në vendin e shtatë me 70%. Shpenzimet për reklamat në internet duke përjashtuar Google dhe Facebook pritet të kenë rënie për 2019.

Ekziston gjithashtu një mosbesim në rritje në përmbajtjen e influencerve në të gjithë botën, i lindur nga shqetësimet për origjinalitetin dhe besueshmërinë. Në të vërtetë, në Mbretërinë e Bashkuar, influencers vlerësohen si më pak të besueshëm sesa politikanët.

Potencial reklamimi tek lojërat dhe podcastet

Pothuajse një në katër të rritur ka parë një lojë livestream në muajin e kaluar dhe kjo rritet në pothuajse një në tre persona në grupmoshën 16-24 vjeç. Fakti që mbi 90% e përmbajtjes për këtë të fundit është transmetuar live-streamed paraqet mundësi për reklamuesit që kërkojnë të arrijnë audiencën e re duke kaluar më pak kohë me TV.

Reklamimi në Podcast ka potencial gjithashtu. Shpenzimet për reklamat pritet të dyfishohen në 1.6 miliardë dollarë deri në vitin 2022 dhe New York Times tashmë po raporton rritje të fortë të të ardhurave nga ky format.

Dëgjuesit janë shumë të angazhuar dhe kërkimet tregojnë se reklamat rrisin vëmendjen ndaj markave; 17% e dëgjuesve kanë shumë më shumë gjasa të vlerësojnë një markë pasi të dëgjojnë reklamën e tyre gjatë një podcast, ndërsa 37% janë “disi më të predispozuar”. Por konteksti është çelësi dhe një matje e standardizuar duhet të vendoset zyrtarisht.

Lexoni: Podcast, një mundësi e mirë për reklamim

Të dhëna të tjera nga hulumtimi

Globalisht:

  • Konsumatorët: gjysma e konsumatorëve kanë bojkotuar një markë me vlera të ndryshme
  • Markat & Reklamuesit: markat që shesin përbëjnë gjysmën e shpenzimeve të reklamave brenda aplikacioneve të lojërave
  • Media & Tech: marketerët po përdorin Stories në Instagram për të rritur e-commerce

Amerikë:

  • Konsumatorët: mbi 80% e amerikanëve janë të shqetësuar për privatësinë e të dhënave
  • Markat & Reklamuesit: vetëm 39% e markave integrojnë të dhënat e konsumatorit në skemat e tyre të besnikërisë
  • Media & Tech: depërtimi i smartphone-ve arrin 80% në Brazil

Azia Paqësore:

  • Konsumatorët: Konsumi i videove dixhitale dyfishohet në Hong Kong
  • Markat & Reklamuesit: 76% e marketerëve të Azisë Juglindore raportojnë rritje të dobët të klientëve
  • Media & Tech: Siguria e markës dhe kufizimi i mashtrimeve brenda aplikacionit janë shqetësimet kryesore

Europa, Lindja e Mesme dhe Afrika:

  • Konsumatorët: 15% e konsumatorëve shmangin TV
  • Markat & Reklamuesit: Problematik rezulton marketingu i drejtuar nga të dhënat.

/Warc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0