Telefoni ikonë Nokia 3310 po kthehet... - Business Magazine Albania

Telefoni ikonë Nokia 3310 po kthehet…


Nokia 3310, për herë të parë u lançua 17 vite më parë dhe ka arritur statusin e “kultit”, pasi ishte shumë rezistent, me një bateri që mbante për një kohë të gjatë dhe një dizajn unik.

Por kjo ishte kohë më parë; ajo tani është aq e vjetër sa që nuk ka as një ekran me ngjyra dhe Nokia tashmë ka humbur pozitën e saj si lider kryesor me hyrjen e iPhone dhe epokën e smartphone-ve.

“HMD Global”, kompania finlandeze që prodhon tani celularët Nokia, thuhet se është duke u përgatitur për të lançuar një “version modern” të 3310 në kuadër të “Mobile World Congress”, një konferencë për industrinë e celularëve që do të mbahet në Barcelonë, Spanjë, më 26 Shkurt.

Duket sikur telefoni i ri 3310 do të bazohet në origjinal, por nuk do të jetë një riprodhim i përsosur i modelit të vjetër – por përtej këtyre nuk kemi detaje të tjera. Ekran me ngjyra? Kamera? Aplikacione? Asnjë nga këto nuk janë avantazhe, por ky telefon do të ishte një hap i madh nëse do të kishte bazën origjinale si funksionet e 3310.

Ajo thuhet se do të shitet për 59 € (63$ ose 50 £) në Evropë. Nuk është e qartë nëse ajo do të lançohet diku tjetër.

Një përfaqësues i “HMD Global” nuk pranoi të komentojë mbi “thashethemet apo spekulimet” që po qarkullojnë.

“Mobile World Congress” është planifikuar të zhvillohet nga data 27 Shkurt deri më 2 Mars në Barcelonë.

Burimi: uk.businessinsider.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0