Flitet në fakt në çdo rast për një projekt investimi që i propozohet qeverisë nga kompani private. Kur kompanitë futen në garë (në tender, sipërmarrja apo grupi që ka bërë propozimin, është në avantazh me disa pikë, falë projektit të propozuar).
Por kjo formë investimi është duke ngjallur debate nëse paratë publike po përdoren siç duhet.
Prej vitesh ekspertët e Fondit Monetar Ndërkombëtar kanë sugjeruar të shmanget kjo formë investimi, dhe së fundi Ministria e Financave ka hartuar një projektligj që po diskutohet nga grupet e interesit. Në draft janë shtuar kontrollet dhe monitorimet në investim.
Lexoni: FMN: Hiqni dorë nga propozimet e pakërkuara. Pak progres në disa reforma strukturore
Këto ditë, kundër projekteve me ofertë të pakërkuar kanë dalë jo vetëm përfaqësuesit e opozitës, por edhe kryetari i Komisionit të Ekonomisë dhe Financave Erjon Braçe. Në mbledhjen e fundit të komisionit, Braçe tha se në shtator do të propozojë heqjen e kësaj forme investimi nga ligji aktual. ‘’Aktualisht numërohen mbi 319 kontrata të dhëna pa garë’’, tha ai duke theksuar se një gjë e tillë po shkatërron financat e vendit.
Kjo erdhi pasi Jorida Tabaku, nënkryetare e Komisionit parlamentar të Ekonomisë, tha se qeveria e ka kthyer dhënien e koncesioneve dhe tenderave me ofertë të pakërkuar në një praktikë pune, duke eliminuar garën mes kompanive. Tabaku tha se 4 nga 7 projektet e paketës ‘1 miliard’ janë dhënë pikërisht në këtë formë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
