FMN: Hiqni dorë nga propozimet e pakërkuara. Pak progres në disa reforma strukturore


Qeverisë shqiptare i kërkohet të heqë dorë nga ofertat e pakërkuara në investime publike. Misioni i Fondit Monetar Ndërkombëtar (FMN) pas takimeve me drejtuesit më të lartë të financave në vend, ka theksuar se Shqipëria po përjeton një rritje të mirë ekonomike, por ka renditur një sërë faktorësh me risk që vënë në pikëpyetje këtë rritje.

Ritmi i rritjes ekonomike (3.7% për 2017) mund të mos zgjasë shumë. Rritja në BE ka ritme përshpejtuese që prej vitit 2016, vlerësohet në deklaratën e ekspertëve të Misionit. “Risqet e brendshme ndaj rritjes në periudhën afatmesme janë po ashtu të rëndësishme”, sipas misionit. “Rënia graduale e investimeve të mëdha në infrastrukturën e sektorit energjetik pritet ta ngadalësojë ritmin e rritjes”, theksojnë ekspertët, ndërsa pranojnë se niveli i borxhit publik është i lartë krahasuar me vendet e rajonit.

Sipas ekspertëve të FMN-së, sistemi bankar është i rënduar me kredi të mëdha nën standard dhe me vështirësi në ekzekutimin e kolateralit. “Një shitje më e shpejtë e aktiveve nga bankat me pronësi europiane në Shqipëri mund të çonte në stres të sektorit financiar”, thuhet në deklaratë. Qendimi vjen ndërsa jemi në një fazë transaksionesh bankare në tregun e brendshëm.

FMN flet për progres të pamjaftueshëm në reformën strukturore në fusha të tilla si energjetika, menaxhimi financiar publik dhe reformat në gjyqësor. Këto “mund ta cënonin besimin e investitorëve, duke i zvogëluar ndjeshëm flukset hyrëse nga donatorët dhe flukset e kapitalit dhe duke e ulur rritjen”, sipas ekspertëve.

Ndaj ekspertët e FMN, kanë ftuar qeverinë të përshpejtojë reformat, duke e parë këtë si një moment të përshtatshëm.

Lexoni deklaratën e plotë Këtu.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale