Tatimet u dërgojnë letër bizneseve. Deklaroni të ardhurat


Adminstrata Tatimore u ka dërguar letër bareve dhe restoranteve me risk. Në letër renditen disa faktorë risku të identifikuar sipas deklarimeve të bëra. “Për të gjithë tatimpaguesit është momenti  të reflektojnë ndaj atyre treguesve, të cilët analiza e riskut i konsideron të papërmbushur, në zbatim të ligjit”, thekson Drejtoria e Përgjithshme e Tatimeve.

Kjo praktikë e re e ndërveprimit me tatimpaguesit, e asistuar nga Fondi Monetar Ndërkombëtar, mbështetet në vlerësimin analitik të të dhënave të biznesit, të dhëna që konsiderohen jo të sakta dhe kanë nevojë për përmirësim. Ndërkohë, për të gjithë ata që kanë marrë njoftimin nga Drejtoria e Tatimeve, bëhet me dije, se adminstrata tatimore po monitoron reagimin e bizneseve përkatëse për ndryshimin e të dhënave. Monitorimi i deklarimeve do të vijojë të bëhet automatikisht nga sistemi kompjuterik, i cili filtron të dhënat mbi bazën e analizës së riskut. Kjo praktikë përjashton çdo mundësi manipulimi apo keqpërdorimi të tagreve ligjore të punonjësve të administratës tatimore.

Lexo:  13 detyrimet tatimore që mund t’i paguani online

Qëllimi i nismës, sipas tatimeve, nuk është penalizimi, por ndërgjegjësimi dhe pasqyrmi me vërtetësi i aktivitetit të gjithësecilit. Komunikimi përmes letrës së personalizuar që ka mbërritur tashmë tek këto biznese, përmbyll fazën e parë të Planit Sektorial të bar- restoranteve. Ky plan do të vijojë me dy faza të tjera, sipas skedulit të miratuar në bashkëpunim me FMN-në. Janë trajnuar mbi specifikat e punës 85 inspektorë të shërbimit të tatimpaguesve. Inspektorët do të trajtojnë tatimpaguesit me risk të mesëm e të lartë. Kjo praktikë pune synon që përmes vlerësimit analitik të të dhënave të subjekteve dhe intervistave të thelluara me tatimpaguesit e riskut të mesëm e të lartë, të arrihet ndryshimi i deklarimeve të tyre drejt përmbushjes vullnetare.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale